ಮತದಾನ ಮಾಡಿದ ಮಂಗಳಮುಖೀಯರು

ಬೆಂಗಳೂರು: ವಿಧಾನಸಭೆ ಚುನಾವಣೆಯಲ್ಲಿ ಮತದಾನ ಮಾಡಿ ಮಂಗಳ ಮುಖೀಯರು ಸಂತಸ ಪಟ್ಟರು. ಸಿ.ವಿ. ರಾಮನ್‌ ನಗರ ವಿಧಾನಸಭಾ ಕ್ಷೇತ್ರದ ಸೇಂಟ್‌ ಅಲೋಸಿಯಸ್‌ ಸ್ಕೂಲ್‌ನಲ್ಲಿ  ಮೂವತ್ತೈದು ಮಂಗಳ ಮುಖೀಯರು ಮತದಾನ ಮಾಡಿ ತಮ್ಮ ಹಕ್ಕು ಚಲಾಯಿಸಿದರು.

ಸರ್ಕಾರ ತಮಗೆ ಮತದಾನದ ಹಕ್ಕು ನೀಡಿದ್ದು, ಆದರೆ, ತಮಗೆ ಅಗತ್ಯ ಸೌಲಭ್ಯ ನೀಡಿಲ್ಲ. ನಮ್ಮನ್ನು ಕೀಳು ಭಾವನೆಯಿಂದ ನೋಡುತ್ತಾರೆ. ನಮಗೂ ಗೌರವ ಕೊಡಬೇಕು. ಸರ್ಕಾರಗಳು ಉದ್ಯೋಗ ನೀಡಬೇಕು ಎಂದು ಮೊದಲ ಬಾರಿ ಮತದಾನ ಮಾಡಿದ ಮಂಗಳ ಮುಖೀ ಲಾವಣ್ಯ ಮನವಿ ಮಾಡಿದರು.