ಜಾತಿಗಿಂತ ಅಭ್ಯರ್ಥಿಗೆ ಮತದಾರನ ಮಣೆ

ಕ್ಷೇತ್ರದ ವಸ್ತುಸ್ಥಿತಿ: ಮೂರು ಬಾರಿ (2008, 2013, 2018) ವಿಧಾನಸಭಾ ಚುನಾವಣೆಯಲ್ಲೂ ಸುರೇಶ್‌ ಗೆಲುವು ಸಾಧಿಸುವ ಮೂಲಕ ರಾಜಾಜಿನಗರ ಕ್ಷೇತ್ರ ಬಿಜೆಪಿಯ ಭದ್ರಕೋಟೆ ಎನಿಸಿದೆ. ಮುಖ್ಯವಾಗಿ ಕಳೆದ ಲೋಕಸಭಾ ಚುನಾವಣೆಯಲ್ಲಿ ಬೆಂಗಳೂರು ಕೇಂದ್ರ ಬಿಜೆಪಿ ಅಭ್ಯರ್ಥಿ ಪಿ.ಸಿ.ಮೋಹನ್‌ ಅವರಿಗೆ ಬರೋಬ್ಬರಿ 48 ಸಾವಿರ ಮತಗಳ ಮುನ್ನಡೆ ತಂದುಕೊಟ್ಟು ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದ ಕ್ಷೇತ್ರವಿದು.

2014ರ ಲೋಕಸಭಾ ಚುನಾವಣೆಯಲ್ಲಿ ಚಲಾವಣೆಯಾದ 1,16,325 (ಶೇ.59.79) ಮತಗಳ ಪೈಕಿ, ಕಾಂಗ್ರೆಸ್‌ನ ರಿಜ್ವಾನ್‌ ಅರ್ಷದ್‌ 28,359 (ಶೇ.24.7), ಹಾಲಿ ಸಂಸದ ಪಿ.ಸಿ.ಮೋಹನ್‌ ಪರ 76,961 (ಶೇ.67) ಮತಗಳು ಚಲಾವಣೆಯಾಗಿದ್ದವು. ಕ್ಷೇತ್ರದಲ್ಲಿ 7 ಬಿಬಿಎಂಪಿ ವಾರ್ಡ್‌ಗಳಿದ್ದು, 4ರಲ್ಲಿ ಬಿಜೆಪಿ, 3ರಲ್ಲಿ ಕಾಂಗ್ರೆಸ್‌ ಕಾರ್ಪೊರೇಟರ್‌ಗಳಿದ್ದಾರೆ.

ಆದರೆ, 2014ರ ಚುನಾವಣೆ ವೇಳೆಯ ಸ್ಥಿತಿಗೆ ಹೋಲಿಸಿದರೆ, ಈ ಬಾರಿ ಸ್ಥಿತಿಗತಿ ಬದಲಾಗಿದ್ದು, ಬಿಜೆಪಿ ಮತಗಳಿಕೆಯಲ್ಲಿ ವ್ಯಾತ್ಯಾಸವಾಗಬಹುದು. ಉತ್ತರ ಕರ್ನಾಟಕ ಭಾಗದ ಬಹಳಷ್ಟು ಜನರು ರಾಜಾಜಿನಗರದಲ್ಲಿ ನೆಲೆಸಿದ್ದಾರೆ. ಬೆಂಗಳೂರಿನಲ್ಲಿ ಅತೀ ಹೆಚ್ಚು ಕನ್ನಡಿಗರಿರುವ ಕ್ಷೇತ್ರ ಇದಾಗಿದೆ. ಇಲ್ಲಿನ ಜನ ಆಶ್ವಾಸನೆ, ಜಾತಿಗಿಂತ ಅಭ್ಯರ್ಥಿ ನೋಡಿ ಮತ ಚಲಾಯಿಸುವುದು ವಾಡಿಕೆ. 2014ರ ಲೋಕಸಭಾ ಚುನಾವಣೆಯಲ್ಲಿ ಬೆಂಗಳೂರಿನ ಕೇಂದ್ರ ಲೋಕಸಭಾ ವ್ಯಾಪ್ತಿಯಲ್ಲಿಯೇ ಅತಿ ಹೆಚ್ಚು ಮತದಾನ ಈ ಕ್ಷೇತ್ರದಲ್ಲಾಗಿದೆ.

ಸಂಸದರಿಂದ ಬಂದ ಪ್ರಮುಖ ಕೊಡುಗೆಗಳು
-ಜಗಜ್ಯೋತಿ ಬಸವೇಶ್ವರ ಸಹಕಾರ ಸಂಘ ಶಿಕ್ಷಣ ಸಂಸ್ಥೆಯಲ್ಲಿ ಸಭಾಂಗಣ ನಿರ್ಮಾಣ.
-ಬಸವೇಶ್ವರ ನಗರ ವಾರ್ಡ್‌ನಲ್ಲಿ ಅಂಗನವಾಡಿ ನಿರ್ಮಾಣ

ನಿರೀಕ್ಷೆಗಳು
-ತಗ್ಗು ಹಾಗೂ ಕೊಳಚೆ ಪ್ರದೇಶಗಳ ಅಭಿವೃದ್ಧಿ
-ಸಿಗ್ನಲ್‌ ಮುಕ್ತ ರಸ್ತೆ ನಿರ್ಮಾಣ ಯೋಜನೆ

-ವಾರ್ಡ್‌ಗಳು- 7
-ಬಿಜೆಪಿ – 4
-ಕಾಂಗ್ರೆಸ್‌ – 3

-ಜನಸಂಖ್ಯೆ- 3,36,008
-ಮತದಾರರ ಸಂಖ್ಯೆ- 2,04,806
-ಪುರುಷರು – 1,04,036
-ಮಹಿಳೆಯರು – 1,00,770

2014ರ ಚುನಾವಣೆಯಲ್ಲಿ ಚಲಾವಣೆಯಾದ ಮತಗಳು- 1,16,325 (ಶೇ.59.79)
-ಬಿಜೆಪಿ ಪಡೆದ ಮತಗಳು – 76,961 (ಶೇ.67)
-ಕಾಂಗ್ರೆಸ್‌ ಪಡೆದ ಮತಗಳು – 28,359 (ಶೇ.24.7)
-ಜೆಡಿಎಸ್‌ ಪಡೆದ ಮತಗಳು – 4,466 (ಶೇ.3.9)

2014ರ ಲೋಕಸಭೆ ಚುನಾವಣೆ ವೇಳೆ ಕ್ಷೇತ್ರದ ಚಿತ್ರಣ
-ಎಸ್‌.ಸುರೇಶ್‌ ಕುಮಾರ್‌ ಬಿಜೆಪಿ ಶಾಸಕ
-ಪಾಲಿಕೆಯಲ್ಲಿ ಬಿಜೆಪಿ ಸದಸ್ಯರು – 6
-ಕಾಂಗ್ರೆಸ್‌ ಸದಸ್ಯರು -1

ಮಾಹಿತಿ: ಜಯಪ್ರಕಾಶ್‌ ಬಿರಾದಾರ್‌