ಚೆಸ್‌ ದಂತಕತೆ ವಿಶ್ವನಾಥನ್‌ ಆನಂದ್‌ ಇನ್ನು ವೀಕ್ಷಕ ವಿವರಣೆಕಾರ!

ಚೆನ್ನೈ: ವಿಶ್ವಶ್ರೇಷ್ಠ ಚೆಸ್‌ ಆಟಗಾರ ವಿಶ್ವನಾಥನ್‌ ಆನಂದ್‌ ಈಗ ಹೊಸತೊಂದು ಪಾತ್ರದೊಂದಿಗೆ ಸುದ್ದಿಯಾಗಿದ್ದಾರೆ. ಈಗವರು ಚೆಸ್‌ ವಿಶ್ವಚಾಂಪಿಯನ್‌ಶಿಪ್‌ ಫೈನಲ್‌ ಪಂದ್ಯದ ವೀಕ್ಷಕ ವಿವರಣೆಕಾರ!

ನ. 24ರಿಂದ ದುಬಾೖಯಲ್ಲಿ ನಾರ್ವೆಯ ಮ್ಯಾಗ್ನಸ್‌ ಕಾರ್ಲ್ಸನ್‌ ಮತ್ತು ರಶ್ಯದ ನೆಪೋಮ್ನಿಯಾಚ್ಚಿ ನಡುವೆ ಫೈನಲ್‌ ಪಂದ್ಯ ನಡೆಯಲಿದೆ. ಈ ವೇಳೆ ಆನಂದ್‌ ಕಮೆಂಟ್ರಿ ನೀಡಲಿದ್ದಾರೆ. ಅವರ ಈ ನೂತನ ಹೊಣೆಗಾರಿಕೆಗೆ ವಿಶ್ವ ಚೆಸ್‌ ಒಕ್ಕೂಟ “ಫಿಡೆ’ ಕಾರಣ ಎನ್ನುವುದನ್ನು ಮರೆಯುವಂತಿಲ್ಲ!