ಮುಂಬಯಿ, ದಿಲ್ಲಿಯಿಂದ ಸಿಂಗಾಪುರಕ್ಕೆ ಆಗಸ್ಟ್‌ನಿಂದ ವಿಸ್ತಾರ ವಿಮಾನ ಯಾನ ಸೇವೆ

ಮುಂಬಯಿ : ಟಾಟಾ – ಎಸ್‌ಐಎ ನಡೆಸುತ್ತಿರುವ ವಿಸ್ತಾರಾ ಏರ್‌ ಲೈನ್‌ ಮುಂದಿನ ತಿಂಗಳಿಂದ ಹೊಸದಿಲ್ಲಿ ಮತ್ತು ಮುಂಬಯಿ ಯಿಂದ ಸಿಂಗಾಪುರಕ್ಕೆ ಅಂತಾರಾಷ್ಟ್ರೀಯ ವಿಮಾನ ಯಾನ ಸೇವೆಯನ್ನು ಕೈಗೊಳ್ಳಲಿದೆ ಇಂದು ಗುರುವಾರ ಪ್ರಕಟಿಸಲಾಗಿದೆ.

ವಿಸ್ತಾರ ಏರ್‌ಲೈನ್‌ ದಿನಂಪ್ರತಿ ಎರಡು ವಿಮಾನ ಹಾರಾಟಗಳನ್ನು ಸಿಂಗಾಪುರಕ್ಕೆ ಕೈಗೊಳ್ಳಲಿದೆ – ಒಂದು ಮುಂಬಯಿಯಿಂದ, ಇನ್ನೊಂದು ದಿಲ್ಲಿಯಿಂದ. ಇದು ಅನುಕ್ರಮವಾಗಿ ಆ.6 ಮತ್ತು ಆ.7ರಂದು ಆರಂಭವಾಗಲಿದೆ ಎಂದು ಏರ್‌ ಲೈನ್‌ ತಿಳಿಸಿದೆ.

ದಿಲ್ಲಿಯಲ್ಲಿ ನೆಲೆಗೊಂಡಿರುವ ವಿಸ್ತಾರಾ ವಾಯು ಯಾನ ಸಂಸ್ಥೆ 24 ದೇಶೀಯ ತಾಣಗಳಿಗೆ ವಿಮಾನ ಯಾನಸೇವೆ ನೀಡುತ್ತಿದೆ. ಅಂತಾರಾಷ್ಟ್ರೀಯ ವಿಮಾನ ಹಾರಾಟಗಳನ್ನು ಬೋಯಿಂಗ್‌ 737-800 ಎನ್‌ಜಿ ಮೂಲಕ ನಡೆಸಲಾಗುವುದು ಎಂದು ಸಂಸ್ಥೆ ಹೇಳಿದೆ.