ಉಬೆರ್‌ ಟ್ಯಾಕ್ಸಿಗೆ ಕೊಹ್ಲಿ ರಾಯಭಾರಿ

ಹೊಸದಿಲ್ಲಿ: ಭಾರತ ಕ್ರಿಕೆಟ್‌ ತಂಡದ ನಾಯಕ ವಿರಾಟ್‌ ಕೊಹ್ಲಿ ಅವರನ್ನು ಉಬೆರ್‌ ಕ್ಯಾಬ್‌ ರಾಯಭಾರಿಯಾಗಿ ಆಯ್ಕೆ ಮಾಡಲಾಗಿದೆ. ಉಬೆರ್‌ ಕ್ಯಾಬ್‌ ಸಂಸ್ಥೆ ಈ ವಿಷಯವನ್ನು ಶುಕ್ರವಾರ ಪ್ರಕಟಿಸಿದೆ. ಒಬ್ಬ ಕ್ರಿಕೆಟರ್‌ ಆಗಿ ಪ್ರಯಾಣ ಮಾಡುವುದು ನನಗೆ ಅನಿವಾರ್ಯ. ಹೆಚ್ಚು ಹೆಚ್ಚು ಪ್ರಯಾಣ ಮಾಡಿದ್ದೇನೆ. ಉಬೆರ್‌ ಬುಕಿಂಗ್‌ನ ಅನುಭವ ಪಡೆದಿದ್ದೇನೆ. ತಂತ್ರಜ್ಞಾನ ಬಳಸಿಕೊಂಡ ಸಂಸ್ಥೆಯೊಂದು ನಗರದಾದ್ಯಂತ  ಜನರಿಗೆ ಸೇವೆ ನೀಡಿ ಕ್ರಾಂತಿ ಎಬ್ಬಿಸಿದೆ. ಜತೆಗೆ ಲಕ್ಷಾಂತರ ಮಂದಿಗೆ ಉದ್ಯೋಗ ಒದಗಿಸಿದೆ. ಇಂತಹ ಸಂಸ್ಥೆ ಜತೆಗೆ ಒಪ್ಪಂದ ಮಾಡಿಕೊಂಡಿರುವುದು ಸಂತಸ ಹೆಚ್ಚಿಸಿದೆ ಎಂದು ತಿಳಿಸಿದರು. ಇದೇ ವೇಳೆ ಸಂಸ್ಥೆ ಪತ್ರಿಕಾ ಪ್ರಕಟನೆ ಹೊರಡಿಸಿದ್ದು ವಿರಾಟ್‌ ಕೊಹ್ಲಿಯಂತಹ ದಿಗ್ಗಜನ ಜತೆಗೆ ಒಪ್ಪಂದ ಮಾಡಿಕೊಂಡಿರುವುದರಿಂದ ಸಂಸ್ಥೆಯ ಗೌರವ ಮತ್ತು ಜವಾಬ್ದಾರಿ ಹೆಚ್ಚಾಗಿದೆ ಎಂದು ತಿಳಿಸಿದೆ.