ಜಪಾನ್‌ ಓಪನ್‌: ಅಕ್ಷೆಲ್ಸೆನ್‌, ಮರಿನ್‌ಗೆ  ಪ್ರಶಸ್ತಿ

ಟೋಕಿಯೊ: ವಿಶ್ವ ಚಾಂಪಿಯನ್‌ ಡೆನ್ಮಾರ್ಕ್‌ನ ವಿಕ್ಟರ್‌ ಅಕ್ಷೆಲ್ಸೆನ್‌ ಮತ್ತು ಒಲಿಂಪಿಕ್‌ ಚಿನ್ನ ವಿಜೇತೆ ಸ್ಪೇನ್‌ನ ಕ್ಯಾರೋಲಿನ್‌ ಮರಿನ್‌ ಅವರು ಜಪಾನ್‌ ಓಪನ್‌ ಸೂಪರ್‌ ಸೀರೀಸ್‌ ಬ್ಯಾಡ್ಮಿಂಟನ್‌ ಕೂಟದ ಪ್ರಶಸ್ತಿಯನ್ನು ಗೆದ್ದುಕೊಂಡಿದ್ದಾರೆ. 

ರವಿವಾರ ನಡೆದ ಫೈನಲ್‌ ಹೋರಾಟದಲ್ಲಿ ಅಕ್ಷೆಲ್ಸೆನ್‌ ಮಲೇಶ್ಯದ ಲೀ ಚಾಂಗ್‌ ವೆಯಿ ಅವರನ್ನು 21-14, 19-21, 21-14 ಗೇಮ್‌ಗಳಿಂದ ಉರುಳಿಸಿದ್ದರು. ಕಳೆದ ವರ್ಷ ಸಹಿತ ಆರು ಬಾರಿ ಜಪಾನ್‌ ಓಪನ್‌ ಕೂಟದ ಪ್ರಶಸ್ತಿ ಜಯಿಸಿದ್ದ ಲೀ ಚಾಂಗ್‌ ದ್ವಿತೀಯ ಗೇಮ್‌ನಲ್ಲಿ ಮಾತ್ರ ಅಮೋಘವಾಗಿ ಆಡಿ ಮೇಲುಗೈ ಸಾಧಿಸಿದ್ದರು. ಎರಡು ಬಾರಿಯ ಒಲಿಂಪಿಕ್‌ ಚಾಂಪಿಯನ್‌ ಆಗಿರುವ ಅಕ್ಷೆಲ್ಸೆನ್‌ ಕಳೆದ ತಿಂಗಳು ನಡೆದ ವಿಶ್ವ ಬ್ಯಾಡ್ಮಿಂಟನ್‌ ಚಾಂಪಿಯನ್‌ಶಿಪ್‌ನ ಚಿನ್ನದ ಪದಕ ಜಯಿಸಿದ್ದರು.

ವನಿತೆಯರ ಸಿಂಗಲ್ಸ್‌ನಲ್ಲಿ ಒಲಿಂಪಿಕ್‌ ಚಿನ್ನ ವಿಜೇತೆ ಕ್ಯಾರೋಲಿನ್‌ ಮರಿನ್‌ ಅವರು ಚೀನದ ಹಿ ಬಿಂಗ್‌ಜಿಯಾವೊ ಅವರನ್ನು 23-21, 21-12 ಗೇಮ್‌ಗಳಿಂದ ಕೆಡಹಿ ಪ್ರಶಸ್ತಿ ಗೆದ್ದರು.