Advertisement
ಶಾಸಕ ಮೊದಿನ್‌ ಬಾವಾ ನೌಕೆಯನ್ನು ಸ್ವಾಗತಿಸಿ ವಿಕ್ರಮ್‌ ಆಗಮನದಿಂದ ತಟ ರಕ್ಷಣಾ ಪಡೆಗೆ ಹೆಚ್ಚಿನ ಬಲ ಬಂದಂತಾಗಿದೆ ಎಂದರು.
ಕೋಸ್ಟ್‌ಗಾರ್ಡ್‌ಗೆ ಸೇರ್ಪಡೆ ಗೊಂಡಿರುವ ವಿಕ್ರಮ್‌ ನೌಕೆ ದಾಳಿ ಕಾರ್ಯಾಚರಣೆಗೆ ಅನುಕೂಲವಾಗುವಂತೆ ಅತ್ಯಾಧುನಿಕ ಶಸ್ತ್ರಾಸ್ತ್ರಗಳನ್ನು ಒಳಗೊಂಡಿದೆ. 98 ಮೀಟರ್‌ ಉದ್ದ, 15 ಮೀಟರ್‌ ಅಗಲ, 2,100 ಟನ್‌ ಭಾರವಿದೆ. ಗಂಟೆಗೆ 24 ನಾಟಿಕಲ್‌ ಮೈಲು ದೂರ ಸಂಚರಿಸಬಲ್ಲ ಈ ನೌಕೆ ಎರಡು ಎಂಜಿನ್‌ಗಳ ಒಂದು ಹೆಲಿಕಾಪ್ಟರನ್ನು ಹೊತ್ತೂಯ್ಯಬಲ್ಲದು ಮಾತ್ರವಲ್ಲ 30 ಎಂಎಂ ಗನ್‌, ಎರಡು ಅತ್ಯಾಧುನಿಕ ಸ್ಪೀಡ್‌ ಬೋಟ್‌ ಹೊಂದಿದೆ. ಅಗ್ನಿ
ಅನಾಹುತದ ವಿರುದ್ಧ ಕಾರ್ಯಾಚರಣೆ, ಆಟೋಮೇಟೆಡ್‌ ಪವರ್‌ ಮ್ಯಾನೇಜ್‌ ಮೆಂಟ್‌ ಸಮುದ್ರದ ನೀರನ್ನು ಶುದ್ಧೀಕರಿಸುವ ವಿಶೇಷ ತಂತ್ರಜ್ಞಾನ ಇದರಲ್ಲಿದ್ದು 14 ಅ ಧಿಕಾರಿಗಳು, 88 ಸಿಬಂದಿ ಇದರಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಈ ನೌಕೆಯನ್ನು ಲಾರ್ಸನ್‌ ಆಂಡ್‌ ಟೂಬ್ರೋ ಕಂಪೆನಿ ಚೆನ್ನೈಯ ಕಟ್ಟುಪಲ್ಲಿ ಹಡಗು ಕಟ್ಟೆಯಲ್ಲಿ ನಿರ್ಮಿಸಿ ಕೋಸ್ಟ್‌ಗಾರ್ಡ್‌ಗೆ ಹಸ್ತಾಂತರಿಸಿದೆ.