Advertisement
ಯು ಟ್ಯೂಬ್ನಲ್ಲಿ “ದ ಕ್ರೇಜಿ ಸುಮಿತ್’ ಎಂಬ ಚಾನೆಲ್ ನಡೆಸುವ ದೆಹಲಿಯ ಯುವಕ, ಇಲ್ಲಿಯ ಕನ್ನಾಟ್ ಪ್ರದೇಶದಲ್ಲಿ ಮಹಿಳೆಯರಿಗೆ ಮುತ್ತು ಕೊಡುವುದನ್ನು ಚಿತ್ರೀಕರಿಸಿದ್ದಾನೆ. ಅದನ್ನು ಜಾಲತಾಣಗಳಲ್ಲೂ ಹರಿಬಿಟ್ಟಿದ್ದಾನೆ. ಇದು ದೆಹಲಿಯಲ್ಲಿ ಭಾರಿ ಆಕ್ರೋಶಕ್ಕೆ ಕಾರಣವಾಗಿದೆ. ಇದನ್ನು ಕೂಡಲೇ ತೆಗೆಯುವಂತೆ ಸಾಮಾಜಿಕ ಜಾಲತಾಣ ಬಳಕೆದಾರರು ಆಗ್ರಹಿಸಿದ್ದಾರೆ. ಬಳಿಕ ಈ ವಿಡಿಯೋ ಕುರಿತು ಕ್ಷಮೆಯಾಚಿಸಿರುವ ಯುವಕ, “ಯಾರನ್ನೂ ನೋಯಿಸಲು ಈ ವೀಡಿಯೋ ಅಪ್ಲೋಡ್ ಮಾಡಲಿಲ್ಲ. ಕೇವಲ ತಮಾಷೆಗಾಗಿ (ಪ್ರ್ಯಾಂಕ್) ಮಾಡಿದ್ದೆ’ ಎಂದು ಹೇಳಿದ್ದಾನೆ. “ದೆಹಲಿ ಪೊಲೀಸರು ಈ ವೀಡಿಯೋವನ್ನು ಪರಿಶೀಲನೆ ನಡೆಸಿದ್ದಾರೆ. ಇದು ಕ್ರಿಮಿನಲ್. ತಮಾಷೆ ಹೆಸರಿನಲ್ಲಿ, ಮಹಿಳೆಯರ ಜೊತೆ ವಿಕೃತವಾಗಿ ನಡೆದುಕೊಂಡಿರುವುದು ಸಾಬೀತಾಗಿದೆ. ಇದರಲ್ಲಿ ಹಣದ ವ್ಯವಹಾರವೂ ಇದ್ದಿರಬಹುದು’ ಎಂದು ಹೇಳಿದ್ದಾರೆ. ಅಲ್ಲದೇ ಸಂತ್ರಸ್ತ ಮಹಿಳೆಯರಿಗೆ ಪೊಲೀಸ್ ಠಾಣೆಗೆ ಬಂದು ದೂರು ನೀಡುವಂತೆ ಕೂಡ ಹೇಳಿದ್ದಾರೆ. Advertisement
ಮಹಿಳೆಯರಿಗೆ ಮುತ್ತು ಕೊಡುವ ವಿಡಿಯೋ ಹರಿಬಿಟ್ಟ!
03:45 AM Jan 08, 2017 | Team Udayavani |
Advertisement
Udayavani is now on Telegram. Click here to join our channel and stay updated with the latest news.