ವಾಹನ ಅಪಘಾತ: ಆರೋಪಿ ಖುಲಾಸೆ

ಉಡುಪಿ: ವಾಹನ ಅಪಘಾತ ಪ್ರಕರಣಕ್ಕೆ ಸಂಬಂಧಿಸಿದಂತೆ ಆರೋಪಿಯನ್ನು ದೋಷಮುಕ್ತಗೊಳಿಸಿ ಉಡುಪಿಯ ಎರಡನೇ ಹೆಚ್ಚುವರಿ ನ್ಯಾಯಾಲಯದ ನ್ಯಾಯಾಧೀಶೆ ನಿರ್ಮಲಾ ಎಸ್‌. ಆದೇಶಿಸಿದ್ದಾರೆ.

ಪಡುಬಿದ್ರಿ ವ್ಯಾಪ್ತಿಯಲ್ಲಿ ಇಕೋ ಹಾಲಿನ ವಾಹನದ ಚಾಲಕ ಇನ್ನಾ ಗ್ರಾಮದ ಕಾಂಜರಕಟ್ಟೆಯ ನಿವಾಸಿ ಆರೋಪಿ ಸಂದೀಪ ವಾಹನವನ್ನು ಸ್ಕೂಟಿಗೆ ಢಿಕ್ಕಿ ಹೊಡೆಸಿದ ಪರಿಣಾಮ ಸ್ಕೂಟರ್‌ ಸವಾರ ಅಶ್ವಿ‌ಲ್‌ ಸ್ಯಾಮ್ಸನ್‌ ಸೋನ್ಸ್‌ (22) ಅಪಘಾತದ ಸ್ಥಳದಲ್ಲಿಯೇ ಮೃತಪಟ್ಟಿದ್ದರು.

ಈ ಬಗ್ಗೆ ಕಾಪು ವೃತ್ತ ನಿರೀಕ್ಷಕರು ನ್ಯಾಯಾಲಯಕ್ಕೆ ದೋಷರೋಪಣ ಪಟ್ಟಿ ಸಲ್ಲಿಸಿದ್ದರು. ಇಕೋ ಹಾಲಿನ ವಾಹನದ ಚಾಲಕ ಸಂದೀಪ್‌ ಪರವಾಗಿ ಶಿರಿಯಾರ ಕಲ್ಮರ್ಗಿ ಪ್ರಭಾಕರ ನಾಯಕ್‌ ವಾದಿಸಿದ್ದರು. ನ್ಯಾಯಾಲಯದಲ್ಲಿ ಸಾಕ್ಷಿಗಳು ಸಾಬೀತಾಗದ ಕಾರಣ ಚಾಲಕನನ್ನು ಆರೋಪ ಮುಕ್ತಗೊಳಿಸಿ ಆದೇಶಿಸಲಾಗಿದೆ.