Katpadi: ಸ್ಕೂಟರ್‌ಗೆ ಟೆಂಪೋ ಢಿಕ್ಕಿ 

ಕಾಪು: ಮಟ್ಟುವಿನಿಂದ ಕಟಪಾಡಿಗೆ ಬರುತ್ತಿದ್ದ ಎಲೆಕ್ಟ್ರಿಕಲ್‌ ಸ್ಕೂಟರ್‌ಗೆ ಗೂಡ್ಸ್‌ ಟೆಂಪೋ ಢಿಕ್ಕಿ ಹೊಡೆದು ಸವಾರ, ಮಲ್ಪೆಯಲ್ಲಿ ಮೀನುಗಾರಿಕೆ ಕೆಲಸ ಮಾಡಿಕೊಂಡಿರುವ ಮಟ್ಟು  ನಿವಾಸಿ ದೀಪಕ್‌ (31) ಗಾಯಗೊಂಡ ಘಟನೆ ಕಟಪಾಡಿ ಜಂಕ್ಷನ್‌ನಲ್ಲಿ ನ. 22ರಂದು ಸಂಭವಿಸಿದೆ.

ದೀಪಕ್‌ ಎಲೆಕ್ಟ್ರಿಕಲ್‌ ಸ್ಕೂಟರ್‌ನಲ್ಲಿ ಮಟ್ಟು ಕಡೆಯಿಂದ ಬಂದು ಕಟಪಾಡಿ ಪೇಟೆಯ ಹಳೆಯ ರಸ್ತೆ ಜಂಕ್ಷನ್‌ನಲ್ಲಿ ತಲುಪುವಾಗ ಫಾರೆಸ್ಟ್‌ ಗೇಟ್‌ ಕಡೆಯಿಂದ ಕಟಪಾಡಿ ವೆಂಕಟರಮಣ ದೇವಸ್ಥಾನ ಕಡೆಗೆ ಪಿಕಪ್‌ ಮಿನಿ ಗೂಡ್ಸ್‌ ಢಿಕ್ಕಿ ಹೊಡೆದಿದೆ.  ಗಾಯಾಳನ್ನು ಉಡುಪಿಯ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಕಾಪು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.