ಕಾಂತಾರ “ವರಾಹ ರೂಪಂ’ಹಾಡಿನ ವಿವಾದ: ಹೇಳಿಕೆ ದಾಖಲು

ತಿರುವನಂತಪುರಂ: “ವರಾಹ ರೂಪಂ’ ಹಾಡಿನ ವಿವಾದ ಪ್ರಕರಣ ಸಂಬಂಧ ಕಾಂತಾರ ಚಿತ್ರದ ನಿರ್ದೇಶಕ ಮತ್ತು ನಿರ್ಮಾಪಕರ ಹೇಳಿಕೆಯನ್ನು ದಾಖಲಿಸಿಕೊಂಡಿರುವುದಾಗಿ ಕೇರಳ ಪೊಲೀಸರು ತಿಳಿಸಿದ್ದಾರೆ.

ಕೇರಳ ಹೈಕೋರ್ಟ್‌ ಆದೇ ಶದ ಹಿನ್ನೆಲೆ ನಟ -ನಿರ್ದೇಶಕ ರಿಷಭ್‌ ಶೆಟ್ಟಿ ಹಾಗೂ ನಿರ್ಮಾಪಕ ವಿಜಯ್‌ ಕಿರಗಂದೂರು ಅವರು ಸೋಮವಾರ ಕಲ್ಲಿಕೋಟೆ ಪೊಲೀಸ್‌ ಠಾಣೆಗೆ ಹಾಜ ರಾಗಿದ್ದರು. ಹಾಡಿನ ಕೃತಿಚೌರ್ಯ ಸಂಬಂಧಿಸಿದಂತೆ ಅವರ ಹೇಳಿಕೆಗಳನ್ನು ದಾಖಲಿಸಿಕೊಂಡಿದ್ದೇವೆ.

ಅಗತ್ಯವಿದ್ದರೆ ಅವರನ್ನು ಮತ್ತೆ ಕರೆಯಲಾಗುತ್ತದೆ ಎಂದು ತನಿಖಾಧಿಕಾರಿ ತಿಳಿಸಿದ್ದಾರೆ.