“ವಂದೇ ಭಾರತ್‌’ರೈಲಿನ ಟಿಕೆಟ್‌ ಬೆಲೆ 1,850 ರೂ.

ಹೊಸದಿಲ್ಲಿ: ವಾರಾಣಸಿಯಿಂದ ದಿಲ್ಲಿ ನಡುವೆ ಸಂಚರಿಸಲಿರುವ “ವಂದೇ ಭಾರತ್‌ ಎಕ್ಸ್‌ಪ್ರೆಸ್‌’ ಅಥವಾ “ಟ್ರೈನ್‌ 18′ ರೈಲಿನ ಎಸಿ ಕೋಚ್‌ಗಳಲ್ಲಿನ ಟಿಕೆಟ್‌ ಬೆಲೆ ಎಷ್ಟು ಗೊತ್ತಾ? 1,850 ರೂ. ಮಾತ್ರ! ಇನ್ನು, ಐಷಾರಾಮಿ ಸೌಲಭ್ಯಗಳಿರುವ ಎಕ್ಸಿಕ್ಯೂಟಿವ್‌ ಕ್ಲಾಸ್‌ನ ಟಿಕೆಟ್‌ ಬೆಲೆ 3,520 ರೂ. ಆಗಿದ್ದು, ಇದರಲ್ಲಿ ಊಟದ ವೆಚ್ಚವೂ ಸೇರಿರುತ್ತದೆ ಎಂದು ರೈಲ್ವೆ ಇಲಾಖೆ ತಿಳಿಸಿದೆ. 

ಟ್ರೈನ್‌ 18ನಲ್ಲಿನ ಎಸಿ ಕೋಚ್‌ನ ಟಿಕೆಟ್‌ ಬೆಲೆ, ವಾರಾಣಸಿ – ದಿಲ್ಲಿ ನಡುವೆ ಸಂಚರಿಸುವ ಶತಾಬ್ದಿ ರೈಲಿನ ಟಿಕೆಟ್‌ಗಿಂತ 1.5 ಪಟ್ಟು ಹೆಚ್ಚಿದ್ದರೆ, ಎಕ್ಸಿಕ್ಯೂಟಿವ್‌ ಕ್ಲಾಸ್‌ನ ಟಿಕೆಟ್‌ ಬೆಲೆ, ಇದೇ ಮಾರ್ಗದಲ್ಲಿ ಸಂಚರಿಸುವ ಯಾವುದೇ ರೈಲಿನ ಅತ್ಯುತ್ತಮ ಎ.ಸಿ. ಕೋಚ್‌ನ ಟಿಕೆಟ್‌ ದರಕ್ಕಿಂತ 1.4 ಪಟ್ಟು ಹೆಚ್ಚು ಎಂದು ವಿಶ್ಲೇಷಿಸಲಾಗಿದೆ. ಫೆ. 15ರಂದು ಪ್ರಧಾನಿ ನರೇಂದ್ರ ಮೋದಿಯವರು “ವಂದೇ ಭಾರತ್‌’ ರೈಲು ಸಂಚಾರಕ್ಕೆ ಅಧಿಕೃತ ಚಾಲನೆ ನೀಡಲಿದ್ದಾರೆ.