ಬೆಂಗಳೂರು: ಭಾರತದ ಅತಿದೊಡ್ಡ ಅಮ್ಯೂಸ್‌ಮೆಂಟ್ ಪಾರ್ಕ್ ವಂಡರ್ಲಾ ಹಾಲಿಡೇಸ್, ಈ ಬಾರಿಯ ಪ್ರೇಮಿಗಳ ದಿನದಂದು ವಿಶೇಷ ಪ್ಯಾಕೇಜ್‌ ಘೋಷಣೆ ಮಾಡಿದೆ.
ವಂಡರ್ಲಾ ಪಾರ್ಕ್‌ನಲ್ಲಿ ಫೆ.14ರ ವರೆಗೂ ವ್ಯಾಲೆಂಟೈನ್ಸ್ ವೀಕ್ ವಿಶೇಷ ಕಾರ್ಯಕ್ರಮಗಳನ್ನು ಆಯೋಜಿಸಲಾಗುತ್ತಿದ್ದು, ದಂಪತಿಗಳಿಗೆ ಅನನ್ಯ ಅನುಭವ ನೀಡಲು ಮುಂದಾಗಿದೆ.
ಕಪಲ್ ಪಾರ್ಕ್ ಟಿಕೆಟ್ ಆಫರ್ 14ನೇ ಫೆಬ್ರವರಿ ವರೆಗೆ ಇರಲಿದ್ದು, ಕೇವಲ 1,899 ರೂಗಳಿಗೆ ಲಭ್ಯವಿದೆ. (GST ಒಳಗೊಂಡಂತೆ), ಬುಕಿಂಗ್ ಅನ್ನು ಆನ್‌ಲೈನ್ ಮೂಲಕ ಮಾತ್ರ ಮಾಡಲಾಗುತ್ತದೆ. ಈ ವಿಶೇಷ ಪ್ಯಾಕೇಜ್‌ ನಲ್ಲಿ ದಂಪತಿಗಳು ಸ್ಕೈ ವ್ಹೀಲ್ ನಲ್ಲಿ ಊಟ ಮಾಡಬಹುದು, ಅಥವಾ ವೇವ್ ಪೂಲ್ ನಿಂದ ಬಫೆ ಡಿನ್ನರ್ ಮಾಡುವ ಮೂಲಕ ನಿಮ್ಮ ಪ್ರೀತಿ ಪಾತ್ರರೊಂದಿಗೆ ವ್ಯಾಲೇಂಟೈನ್ಸ್‌ ಡೇ ನನ್ನು ವಿಶೇಷವಾಗಿ ಕಳೆಯಬಹುದು.
ಈ ಕೊಡುಗೆಯು ಬೆಂಗಳೂರು, ಕೊಚ್ಚಿ ಮತ್ತು ಹೈದರಾಬಾದ್‌ ನಲ್ಲಿರುವ ವಂಡರ್ಲಾ ಪಾರ್ಕ್ ಗಳಲ್ಲಿ ಆನ್‌ಲೈನ್ ಮತ್ತು ಆಫ್‌ಲೈನ್‌ ನಲ್ಲಿ ಲಭ್ಯವಿದೆ. ಸ್ಕೈ ವ್ಹೀಲ್ ಡೈನ್ ಅನುಭವವನ್ನು ದಂಪತಿಗಳಿಗೆ ಕೇವಲ 425 ರೂ.ಗಳಿಗೆ (ಜಿಎಸ್‌ಟಿ ಒಳಗೊಂಡಂತೆ) ನೀಡಲಾಗುತ್ತಿದೆ. ಇನ್ನು, ವೇವ್ ಪೂಲ್‌ನಲ್ಲಿ ಕೇವಲ 900 ರೂ.ಗೆ ಬಫೆ ಡಿನ್ನರ್ ಇರಲಿದ್ದು, ಈ ಕೊಡುಗೆಯು ಫೆಬ್ರವರಿ 14 ರಂದು ಮಾತ್ರ ಲಭ್ಯವಿರುತ್ತದೆ. ಈ ಎರಡೂ ಪ್ಯಾಕೇಜುಗಳು ಈ ಪ್ರೇಮಿಗಳ ದಿನವನ್ನು ನಿಜವಾಗಿಯೂ ಮರೆಯಲಾಗದ ಮತ್ತು ಸ್ಮರಣೀಯವಾಗಿಸಲು ವಂಡರ್ಲಾ ಪಾರ್ಕ್ ಎಂಟ್ರಿ, ಸ್ಕೈ ವೀಲ್ ಡೈನಿಂಗ್‌, ವೇವ್ ಪೂಲ್ ಬಫರ್ ಡಿನ್ನರ್ ಅನ್ನು ಒಳಗೊಂಡ ಕಾಂಬೊ ಪ್ಯಾಕೇಜ್‌ ಆಗಿರುತ್ತದೆ.
