ವಿಶ್ವ ಅಥ್ಲೆಟಿಕ್ಸ್‌: 4/100 ಮೀ. ರಿಲೇ, ಚಿನ್ನದತ್ತ ಬೋಲ್ಟ್

ಲಂಡನ್‌: ವಿಶ್ವ ಅಥ್ಲೆಟಿಕ್ಸ್‌ ವೈಯಕ್ತಿಕ 100 ಮೀ. ಬಳಿಕ ವೇಗದ ಓಟಕ್ಕೆ ವಿದಾಯ ಹೇಳಿರುವ ಜಮೈಕಾದ ಉಸೇನ್‌ ಬೋಲ್ಟ್ ಈಗ ಅದೇ ಕೂಟದ 4/100 ಮೀ. ರಿಲೇ ಕೂಟದ ಫೈನಲ್‌ ಹಂತಕ್ಕೆ ತಲುಪಿದ್ದಾರೆ. 

ಇದರೊಂದಿಗೆ ಬೋಲ್ಟ್ ಒಳಗೊಂಡ ತಂಡ ಚಿನ್ನದ ಪದಕ ಗೆಲ್ಲುವ ನಿರೀಕ್ಷೆ ಮೂಡಿಸಿದೆ. ಬೋಲ್ಟ್ 100 ಮೀ. ವಿದಾಯದ ಓಟದಲ್ಲಿ ಚಿನ್ನ ಗೆಲ್ಲಲು ವಿಫ‌ಲರಾಗಿದ್ದರು. ಕಂಚಿನ ಪದಕಕ್ಕೆ ತೃಪ್ತರಾಗಿದ್ದರು. ರಿಲೇ ಹೀಟ್ಸ್‌ನಲ್ಲಿ ಇವರ ತಂಡ 37.95 ಸೆಕೆಂಡ್ಸ್‌ನಲ್ಲಿ ಗುರಿ ತಲುಪಿತು. ಬೋಲ್ಟ್ ಸೇರಿದಂತೆ ಟೈಕ್ವೆಂಡೊ ಟ್ರಾಸಿ, ಜೂಲಿಯಾನ್‌ ಫೋರ್ಟ್‌ ಹಾಗೂ ಮೈಕೆಲ್‌ ಕೆಂಪಾಬೆಲ್‌ ತಂಡದಲ್ಲಿದ್ದಾರೆ.