ಅಫ್ಘಾನಿಸ್ತಾನದಲ್ಲಿ ಸೈನಿಕರ ಸಂಖ್ಯೆ ಇಳಿಸಲು ಸಮ್ಮತಿ

ವಾಷಿಂಗ್ಟನ್‌: ಅಫ್ಘಾನಿಸ್ತಾನದಲ್ಲಿರುವ ತಮ್ಮ ಸೈನಿಕರ ಸಂಖ್ಯೆಯನ್ನು 8600ಕ್ಕೆ ಇಳಿಸಲು ಅಮೆರಿಕ ನಿರ್ಧರಿಸಿದೆ.

ಫೆಬ್ರವರಿಯಲ್ಲಿ ತಾಲಿಬಾನ್‌ ಜತೆಗೆ ನಡೆಸಿದ್ದ ಶಾಂತಿ ಒಪ್ಪಂದದ ಪ್ರಕಾರವಾಗಿ ಅಮೆರಿಕ ಈ ನಿರ್ಣಯಕ್ಕೆ ಬಂದಿದೆ.

‘ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಅವರು ಅಫ್ಘಾನಿಸ್ತಾನದಲ್ಲಿನ ಸೇನೆಯನ್ನು ಹಿಂತೆಗೆದುಕೊಳ್ಳಲು ಉತ್ಸುಕರಾಗಿದ್ದಾರೆ. ಫೆಬ್ರ­ವರಿಯ ಒಪ್ಪಂದದ ಪ್ರಕಾರವಾಗಿ 135 ದಿನಗಳಲ್ಲಿ ಸೈನಿಕರ ಸಂಖ್ಯೆಯನ್ನು 8600ಕ್ಕೆ ಇಳಿಸಲಾಗುತ್ತದೆ. ಜುಲೈ ಒಳಗೆ ಇದು ಸಂಪೂರ್ಣ ಸಾಧ್ಯವಾಗಬಹುದು’ ಎಂದು ನೌಕಾಪಡೆ ಜನರಲ್‌ ಫ್ರಾಂಕ್‌ ಮೆಕೆಂಝಿ ಸ್ಪಷ್ಟಪಡಿಸಿದ್ದಾರೆ.

ಸುಮಾರು 2 ದಶಕಗಳಿಂದ ಒಂದು ಲಕ್ಷಕ್ಕೂ ಅಧಿಕ ಸಂಖ್ಯೆಯ ಅಮೆರಿಕನ್‌ ಸೈನಿಕರು ಅಫ್ಘಾನಿಸ್ತಾನದ ಯುದ್ಧದಲ್ಲಿ ಭಾಗಿಯಾಗಿದ್ದರು. ಪ್ರಸ್ತುತ ಅಫ್ಘನ್‌ನಲ್ಲಿ 12 ಸಾವಿರ ಅಮೆರಿಕನ್‌ ಯೋಧರು ನಿಯೋಜನೆಗೊಂಡಿದ್ದಾರೆ.