ಕೋವಿಡ್-19ಗೆ ಒಂದೇ ದಿನ 2,108 ಜನರು ಬಲಿ: ದಾಖಲೆ ಬರೆದ ಅಮೆರಿಕಾ

ವಾಷಿಂಗ್ಟನ್: ಕೋವಿಡ್-19 ಹೊಡೆತಕ್ಕೆ ಅಮೆರಿಕಾ ತತ್ತರಿಸಿ ಹೋಗಿದ್ದು, ಒಂದೇ ದಿನ 2 ಸಾವಿರ ಜನ ಮೃತಪಟ್ಟು ದಾಖಲೆ ಬರೆದಿದೆ. ಜಗತ್ತಿನಾದ್ಯಂತ ಪಸರಿಸಿರುವ ಈ ಮಹಾಮಾರಿಗೆ ವಿಶ್ವದ ದೊಡ್ಡಣ್ಣನೇ ನಡುಗಿ ಹೋಗಿದ್ದು ಶುಕ್ರತವಾರ 2,108 ಜನ ಬಲಿಯಾಗಿಯಾಗಿದ್ದಾರೆ ಎಂದು ಜಾನ್ಸ್ ಹಾಫ್ ಕಿನ್ಸ್ ವಿಶ್ವವಿದ್ಯಾಲಯ ತನ್ನ ವರದಿಯಲ್ಲಿ ತಿಳಿಸಿದೆ.

ಸೋಂಕಿತರ ಪ್ರಮಾಣದಲ್ಲೂ ಭಾರೀ ಏರಿಕೆ ಕಂಡುಬಂದಿದ್ದು, 5 ಲಕ್ಷದ ಗಡಿ ದಾಟಿದೆ. 24 ಗಂಟೆಗಳ ಅವಧಿಯಲ್ಲಿ 35,089 ಜನರಿಗೆ ವೈರಾಣು ತಗುಲಿರುವುದು ದೃಢಪಟ್ಟಿದೆ.

ಕೋವಿಡ್19 ವೈರಸ್ ಕೇಂದ್ರಬಿಂದುವಾದ ಚೀನಾದಲ್ಲಿ ಹೊಸದಾಗಿ 46  ಪ್ರಕರಣಗಳು ವರದಿಯಾಗಿದೆ.  ಮಾತ್ರವಲ್ಲದೆ 3 ಜನರು ಮೃತಪ್ಟಿರುವುದು ವರದಿಯಾಗಿದೆ.

ಮತ್ತೊಂದೆಡೆ ಬ್ರೆಜಿಲ್ ನಲ್ಲೂ ಈ ವೈರಸ್ ಅಟ್ಟಹಾಸ ಮೆರೆಯುತ್ತಿದ್ದು,  1000 ಜನರು ಶುಕ್ರವಾರ ಮೃತಪಟ್ಟಿದ್ದಾರೆ.  ವಿಶ್ವದಾದ್ಯಂತ ಈ ವೈರಸ್ 1,02,734 ಜನರನ್ನು ಬಲಿ ತೆಗೆದುಕೊಂಡಿದೆ.  ಸೋಂಕಿತರ ಪ್ರಮಾಣ ಕೂಡ 16,99,628 ಕ್ಕೆ ತಲುಪಿದೆ.