ಫೈರ್‌ ಸ್ಟಾರ್‌ ದೀವಾಳಿ ಅರ್ಜಿ: ಅಮೆರಿಕ ಕೋರ್ಟ್‌ ಮಧ್ಯಾವಧಿ ಆದೇಶ

ವಾಷಿಂಗ್ಟನ್‌ : ಈ ವಾರದ ಆದಿಯಲ್ಲಿ ದೀವಾಳಿ ಅರ್ಜಿ ಸಲ್ಲಿಸಿದ್ದ ನೀರವ್‌ ಮೋದಿ ಒಡೆತನದ ಫೈರ್‌ಸ್ಟಾರ್‌ ಡೈಮಂಡ್‌ ಇಂಕ್‌ ವಿರುದ್ಧ ಸಾಲಗಾರರು ಯಾವುದೇ ಸಾಲ ವಸೂಲಾತಿ ಮಾಡದಂತೆ ಅಮೆರಿಕದ ನ್ಯಾಯಾಲಯ ಮಧ್ಯಾವಧಿ ಆದೇಶ ಹೊರಡಿಸಿದೆ. 

ಪಂಜಾಬ್‌ ನ್ಯಾಶನಲ್‌ ಬ್ಯಾಂಕ್‌ನಿಂದ 12,000 ಕೋಟಿ ರೂ.ಗಳನ್ನು ಆಕ್ರಮವಾಗಿ ವರ್ಗಾಯಿಸಿದ ಆರೋಪಕ್ಕೆ ಗುರಿಯಾಗಿರುವ ನೀರವ್‌ ಮೋದಿ ಅವರು ಫೈರ್‌ ಸ್ಟಾರ್‌ ಡೈಮಂಡ್‌ ಮತ್ತು ಅದರ ಸಹೋದರ ಸಂಸ್ಥೆಗಳಲ್ಲಿ ತಮ್ಮ ಕಂಪೆನಿಯ ಮೂಲಕ ಬೃಹತ್‌ ಪಾಲನ್ನು ಹೊಂದಿದ್ದಾರೆ. 

ನ್ಯೂಯಾರ್ಕ್‌ ದಕ್ಷಿಣದ ದೀವಾಳಿ ಕೋರ್ಟಿಗೆ ಫೈರ್‌ ಸ್ಟಾರ್‌ ಡೈಮಂಡ್‌ ಸಂಸ್ಥೆ ಕಳೆದ ಸೋಮವಾರ ದೀವಾಳಿ ಅರ್ಜಿಯನ್ನು ಸಲ್ಲಿಸಿತ್ತು.