Uppunda: ಅಂಗಡಿ ಬೀಗ ಮುರಿದು ಚಾಕೋಲೆಟ್, ಡ್ರೈ ಫುಡ್ಸ್ ಕಳವು

ಉಪ್ಪುಂದ: ಅಂಗಡಿಗೆ ನುಗ್ಗಿದ ಕಳ್ಳರು ಅಂಗಡಿಯಲ್ಲಿದ್ದ ಚಾಕೋಲೆಟ್, ಗೋಡಂಬಿ ಸೇರಿದಂತೆ ವಿವಿಧ ಬಗೆಯ ಡ್ರೈ ಫುಡ್ಸ್ ಕದ್ದುಕೊಂಡು ಹೋಗಿರುವ ಘಟನೆ ಉಪ್ಪುಂದ ಪೇಟೆಯ ಪ್ರಟ್ರೋಲ್‌ ಬಂಕ್‌ ಸಮೀಪದ ಅಂಗಡಿಯೊಂದರಲ್ಲಿ ಆ.18ರಂದು ಬೆಳಕಿಗೆ ಬಂದಿದೆ.

ಕೆರ್ಗಾಲ್‌ ಗ್ರಾಮದ ನಂದನವನ ರಾ.ಹೆದ್ದಾರಿ 66ರ ಸಮೀಪದ ಇರುವ ಅಜ್ಫಾನ್ ಡ್ರೈ ಫುಡ್ಸ್ ಅಂಗಡಿಗೆ ಆ.17ರಂದು ರಾತ್ರಿ ನುಗ್ಗಿದ ಕಳ್ಳರು ಅಂಗಡಿಯ ಬಾಗಿಲಿಗೆ ಹಾಕಿದ ರೋಲಿಂಗ್‌ ಶೆಟರ್‌ ಮದ್ಯ ಭಾಗದಲ್ಲಿ ಆಯುಧದಿಂದ ಬಾಗಿಲನ್ನು ಬೆಂಡ್‌ ಮಾಡಿ ಬಾಗಿಲಿನ ಬೀಗ ಒಡೆದು ಒಳ ಪ್ರವೇಶಿಸಿ ಅಂಗಡಿಯಲ್ಲಿದ್ದ ವಿವಿಧ ಕಂಪನಿಯ ಸುಮಾರು 20,000 ಸಾವಿರ ಮೌಲ್ಯದ ಚಾಕ್ಲೇಟ್‌ಗಳನ್ನು ಹಾಗೂ ವಿವಿಧ ಬಗೆಯ ಡ್ರೈ ಪುಡ್ಸ್‌ ಹಾಗೂ ಅಂಗಡಿಗೆ ಅಳವಡಿಸಿದ ಸಿಸಿ ಕ್ಯಾಮರಾದ ಡಿವಿಆರ್‌ನ್ನು ಕಳವುಮಾಡಿಕೊಂಡು ಹೋಗಿದ್ದಾರೆ.

ಬೈಂದೂರು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.