ಯುಪಿಸಿಎಲ್‌ ನಕಲಿ ನೇಮಕಾತಿ ಲಿಂಕ್‌: ವಂಚನೆ

ಉಡುಪಿ: ಉಡುಪಿ ಪವರ್‌ ಕಾರ್ಪೊರೇಷನ್‌ ಲಿ. (ಯುಪಿಸಿಎಲ್‌) ಕಂಪೆನಿಯ ನಕಲಿ ನೇಮಕಾತಿ ಲಿಂಕ್‌ ಸೃಷ್ಟಿಸಿ ವಂಚಿಸಿದ ಘಟನೆ ನಡೆದಿದೆ.

ಆ.11ರಂದು ಅಪರಿಚಿತ ವ್ಯಕ್ತಿಗಳು https://g.co/kgs/dHyUQY  ಹೆಸರಿನ ಕಂಪೆನಿಯ ನಕಲಿ ನೇಮಕಾತಿ ಲಿಂಕ್‌ ಸೃಷ್ಟಿಸಿ ಆ ಲಿಂಕ್‌ನಲ್ಲಿ ಪಡುಬಿದ್ರಿಯ ಸಂಸ್ಥೆಗೆ ಬಿಇ ಮಾಡಿದ 18ರಿಂದ 35ರ ವಯೋಮಿತಿಯ 230 ಮಂದಿ ಬೇಕಾಗಿದ್ದಾರೆ. 20ರಿಂದ 25 ಸಾವಿರ ರೂ.ವೇತನ ನೀಡಲಾಗುತ್ತದೆ. ಈ ಬಗ್ಗೆ ಆನ್‌ಲೈನ್‌ ಮೂಲಕ 500 ರೂ.ಪಾವತಿಸುವಂತೆ ತಿಳಿಸಲಾಗಿತ್ತು.

ಸಂಪರ್ಕ ಸಂಖ್ಯೆಯನ್ನೂ ಲಿಂಕ್‌ನಲ್ಲಿ ನಮೂದಿಸಲಾಗಿತ್ತು. ಆದರೆ ಆ ನೇಮಕಾತಿ ಲಿಂಕ್‌ಗಳು ಯುಪಿಸಿಎಲ್‌ ಸೃಷ್ಟಿಸಿದ್ದಲ್ಲ. ಕಂಪೆನಿಯ ಹೆಸರನ್ನು ಹಾಳು ಮಾಡುವ ಉದ್ದೇಶದಿಂದ ಅಪರಿಚಿತ ವ್ಯಕ್ತಿಗಳು ನಕಲಿ ಲಿಂಕ್‌ಗಳನ್ನು ಸೃಷ್ಟಿಸಿದ್ದಾರೆ ಎಂದು ಯುಪಿಸಿಎಲ್‌ನ ಅಸೋಸಿಯೇಟ್‌ ಜನರಲ್‌ ಮ್ಯಾನೇಜರ್‌ ಕೆ. ಶಶಿಧರ್‌ ಅವರು ಉಡುಪಿಯ ಸೆನ್‌ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.