ಶಬರಿಮಲೆ ಕ್ಷೇತ್ರದ ಮುಖ್ಯ ಅರ್ಚಕರಾಗಿ ಎ.ವಿ. ಉನ್ನಿಕೃಷ್ಣನ್‌ 

ಶಬರಿಮಲೆ: ಶಬರಿಮಲೆ ಕ್ಷೇತ್ರದ ಮುಖ್ಯ ಅರ್ಚಕರಾಗಿ (ಮೇಲ್‌ಶಾಂತಿ)  ಎ.ವಿ. ಉನ್ನಿಕೃಷ್ಣನ್‌ ನಂಬೂದಿರಿ ನೇಮಕಗೊಂಡಿದ್ದಾರೆ. ಒಂದು ವರ್ಷದ ಅವಧಿಗೆ ಅವರು ಅರ್ಚಕರಾಗಿರುತ್ತಾರೆ. ಉನ್ನಿಕೃಷ್ಣನ್‌ ನಂಬೂದಿರಿ ತೃಶ್ಶೂರು ಸಮೀಪದ ಕೋಡಕರದವರು.

ಮಾಲಿಕಪುರಂ ದೇವಿ ದೇವಸ್ಥಾನದ ಮುಖ್ಯ ಅರ್ಚಕರಾಗಿ ಕೊಲ್ಲಂ ಜಿಲ್ಲೆಯ ಮೈನಾಗಪಳ್ಳಿಯ ಅನೀಶ್‌ ನಂಬೂದಿರಿ ನೇಮಕವಾಗಿದ್ದಾರೆ. ದೇವಸ್ವಂ ಸಚಿವ ಕಡಕಂಪಳ್ಳಿ ಸುರೇಂದ್ರನ್‌, ತಿರುವಾಂಕೂರು ದೇವಸ್ವಂ ಮಂಡಳಿಯ ಅಧ್ಯಕ್ಷ ಪ್ರಯರ್‌ ಗೋಪಾಲಕೃಷ್ಣನ್‌ ಮತ್ತಿತರ ಉಪಸ್ಥಿತಿಯಲ್ಲಿ ಸನ್ನಿಧಾನದಲ್ಲಿ ನಡೆದ ಲಾಟರಿ ಡ್ರಾ ಮೂಲಕ ಮೇಲ್‌ಶಾಂತಿ ಮತ್ತು ದೇವಿ ದೇವಸ್ಥಾನದ ಅರ್ಚಕರನ್ನು ಆರಿಸಲಾಯಿತು.