ಕೇಂದ್ರ ಸಚಿವ ಧರ್ಮೇಂದ್ರ ಪ್ರಧಾನ್ ಪತ್ನಿ, ಪುತ್ರಿಯಿಂದ ಮನೆಯಲ್ಲೇ ಮಾಸ್ಕ್ ತಯಾರಿ

ಕೇಂದ್ರ ಸಚಿವ ಧಮೇಂದ್ರ ಪ್ರಧಾನ್‌ ಪತ್ನಿ ಮತ್ತು ಮಗಳು ಮನೆಲ್ಲಿಯೇ ಮಾಸ್ಕ್ ತಯಾರಿಸುತ್ತಿರುವ ಫೋಟೊವನ್ನು ಟ್ವಿಟರ್‌ನಲ್ಲಿ ಪೋಸ್ಟ್‌ ಮಾಡಿದ್ದಾರೆ. ಚಿತ್ರದಲ್ಲಿ ಪ್ರಧಾನ್‌ ಪತ್ನಿ ಮೃದುಲಾ ಮತ್ತು ಅವರ ಮಗಳು ನೈಮಿಶಾ ಹೊಲಿಗೆ ಯಂತ್ರ ಬಳಸಿ ಮಾಸ್ಕ್ ತಯಾರಿಸುತ್ತಿರುವುದು ಚಿತ್ರದಲ್ಲಿ ಕಾಣಬಹುದಾಗಿದೆ.

ಈ ಚಿತ್ರ ಪೋಸ್ಟ್‌ ಮಾಡಿರುವ ಅವರು, ಈ ಸಂಕಷ್ಟದ ಸಮಯದಲ್ಲಿ ನಾವೆಲ್ಲರೂ ಸಮಾಜಕ್ಕೆ ನಮ್ಮಿಂದಾಗುವಷ್ಟು ಸಹಾಯ ಮಾಡಬೇಕು. ನನ್ನ ಪತ್ನಿ ಮತ್ತು ಮಗಳ ಕುರಿತು ನನಗೆ ಹೆಮ್ಮೆ ಎನಿಸುತ್ತಿದೆ. ಅವರು ಮನೆಯಲ್ಲೇ ಮಾಸ್ಕ್ ತಯಾರಿಸುತ್ತಾರೆ. ಇವು ನಮಗೆ ಮಾತ್ರವಲ್ಲ, ಅಗತ್ಯವಿರುವ ಇತರರಿಗೂ ಉಚಿತವಾಗಿ ನೀಡುತ್ತೇವೆ ಎಂದಿದ್ದಾರೆ.