Shantham Papam; ಅಂಡರ್ ವಾಟರ್ ನಲ್ಲಿ ‘ಶಾಂತಂ ಪಾಪಂ’ ಚಿತ್ರೀಕರಣ

ನಮ್ಮ ಸುತ್ತಮುತ್ತ ನಡೆಯುವ ಅಪರಾಧ ಕೃತ್ಯಗಳ ಕುರಿತು ಬೆಳಕು ಚೆಲ್ಲುವ “ಶಾಂತಂ ಪಾಪಂ’ ಶೋ ಕಲರ್ಸ್‌ ಕನ್ನಡದಲ್ಲಿ ಆರಂಭವಾಗಿದೆ. ಇದು ಆರನೇ ಸೀಸನ್‌ ಎನ್ನುವುದು ವಿಶೇಷ.

ಸಾಮಾನ್ಯವಾಗಿ ಸಿನಿಮಾಗಳ ದೃಶ್ಯಗಳನ್ನು ಅಂಡರ್‌ವಾಟರ್‌ ಚಿತ್ರೀಕರಣ ಮಾಡಲಾಗುತ್ತದೆ. ಆದರೆ, ಈ ಬಾರಿ “ಶಾಂತಂ ಪಾಪಂ’ ಶೋನ ಕೆಲವು ದೃಶ್ಯಗಳನ್ನು ಕೂಡಾ ಅಂಡರ್‌ ವಾಟರ್‌ನಲ್ಲಿ ಚಿತ್ರೀಕರಿಸಲಾಗಿದೆ. ಈ ಮೂಲಕ ಶೋನ ನೈಜವಾಗಿ ಕಟ್ಟಿಕೊಡಲು ತಂಡ ಪ್ರಯತ್ನಿಸಿದೆ.

ಅಂದಹಾಗೆ, ಪ್ರತಿ ಎಪಿಸೋಡ್‌ನ‌ಲ್ಲಿ ಸಮಾಜದಲ್ಲಿ ನಡೆದ ಘಟನೆಗಳನ್ನು ಮರು ಸೃಷ್ಟಿಸಿ ಚಿತ್ರೀಕರಿಸಲಾಗುತ್ತದೆ. ಒಂದೊಂದು ಎಪಿಸೋಡ್‌ ಅನ್ನು ಒಬ್ಬೊಬ್ಬ ನಿರೂಪಕರು ನಿರೂಪಣೆ ಮಾಡುತ್ತಾರೆ. ಅಂದಹಾಗೆ, ಈ ಶೋ ರಾತ್ರಿ 10.30ಕ್ಕೆ ಪ್ರಸಾರವಾಗುತ್ತದೆ.