ತನಿಷ್ಕ್ನಿಂದ ಉಮನ್‌ ತರಂಗ್‌ ಸಂಗೀತ ಕಾರ್ಯಕ್ರಮ

ಬೆಂಗಳೂರು: ಆಭರಣ ಕ್ಷೇತ್ರದ ಖ್ಯಾತ ತನಿಷ್ಕ್ ಜ್ಯುವೆಲರಿ ಸ್ವರರಂಭ ಸಂಗೀತ ಶಾಲೆಯ ಸಹಯೋಗದಲ್ಲಿ ಉಮನ್‌ ತರಂಗ್‌ ಸಂಗೀತ ಕಾರ್ಯಕ್ರಮವನ್ನು ಆಯೋಜಿಸಿತ್ತು.

ಇಂದಿರಾನಗರದಲ್ಲಿ ನಡೆದ ಈ ಕಾರ್ಯಕ್ರಮದ ನೇತೃತ್ವವನ್ನು ದೆಹಲಿಯ ಗಂಧರ್ವ ಮಹಾವಿದ್ಯಾಲಯದ ಪದ್ಮಶ್ರೀ ಪಂಡಿತ್‌ ಮಧುಪ್‌ ಮುದ್ಗಲ್‌ ಅವರ ಶಿಷ್ಯೆ ಮಾಳವಿಕ ನಿರಂಜನ್‌ ಅವರು ವಹಿಸಿದ್ದರು. ಕೋರಮಂಗಲದ ಸ್ವರರಂಭ ಶಾಲೆ ಮಕ್ಕಳು ಹಿಂದುಸ್ತಾನಿ ಶಾಸ್ತ್ರೀಯ ಸಂಗೀತ, ಸೆಮಿ ಕ್ಲಾಸಿಕಲ್‌ ಹಾಗೂ ಜಾನಪದ ಸಂಗೀತ ಕಾರ್ಯಕ್ರಮ ಉಮನ್‌ ತರಂಗ್‌ ಅನ್ನು ನಡೆಸಿಕೊಟ್ಟರು.

ಈ ಸಂದರ್ಭದಲ್ಲಿ ತನಿಷ್ಕ್ ಹಿರಿಯ ಉಪಾಧ್ಯಕ್ಷ ಸಂದೀಪ್‌ ಕುಲ್ಹಳ್ಳಿ ಅವರು ನನಗೆ ಇದೊಂದು ಅವಿಸ್ಮರಣೀಯ ದಿನ. ಈ ಕಾರ್ಯಕ್ರಮ ಜೀವನದ ಅತಿಸುಂದರ ಕ್ಷಣಗಳನ್ನು ನೆನಪಿಸುವುದಲ್ಲದೆ, ಭಾರತೀಯ ಸಂಸ್ಕೃತಿಯನ್ನು ಪ್ರತಿಬಿಂಬಿಸುತ್ತದೆ. ಇಂತಹ ಕಾರ್ಯಕ್ರಮಕ್ಕೆ ನಮ್ಮ ಸಂಸ್ಥೆ ಸಾಥ್‌ ನೀಡುತ್ತಿರುವುದು ಸಂತೋಷ ವಿಷಯ ಎಂದರು.