Ullal ಬ್ಯಾಟರಿ ಕಳವು: ಟ್ರಿಪ್‌ ನಡೆಸದೆ ಬಾಕಿಯಾದ ಬಸ್‌!

ಉಳ್ಳಾಲ: ನಿಲ್ಲಿಸಿದ್ದ ಬಸ್ಸಿನ ಎರಡು ಬ್ಯಾಟರಿಗಳನ್ನು ಕಳವು ನಡೆಸಿರುವ ಘಟನೆ ಉಳ್ಳಾಲ ಪೊಲೀಸ್‌ ಠಾಣಾ ವ್ಯಾಪ್ತಿಯ ಕುಂಪಲ ಬಗಂಬಿಲದಲ್ಲಿ ಬುಧವಾರ ನಸುಕಿನ ಜಾವ ನಡೆದಿದೆ.

ಬೆಳಗ್ಗೆ ಕುಂಪಲದಿಂದ ಕೊಟ್ಟಾರ ಕಡೆಗೆ ಹೋಗಬೇಕಿದ್ದ ಬಸ್‌ ಕಳ್ಳರ ಈ ಕೃತ್ಯದಿಂದಾಗಿ ಪ್ರಯಾಣವನ್ನೇ ಮೊಟಕುಗೊಳಿಸಿದೆ.

ರಾತ್ರಿ ನಿಲ್ಲಿಸಿದ್ದ ರೂಟ್‌ ನಂಬರ್‌ 44 ಮೂಕಾಂಬಿಕಾ ಟ್ರಾವೆಲ್ಸ್‌ ಬಸ್ಸಿನ 40 ಸಾವಿರ ರೂ. ಮೊತ್ತದ 2 ಬ್ಯಾಟರಿಗಳನ್ನು ಹಾಗೂ ವೈರ್‌ಗಳನ್ನು ಕಳವು ಮಾಡಲಾಗಿದೆ. ಉಳ್ಳಾಲ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.