Advertisement
ಮಾಹಿತಿ ತಂತ್ರಜ್ಞಾನ ಸಂಸ್ಥೆ ಇನ್ಫೋಸಿಸ್‌ನ ಸಂಸ್ಥಾಪಕಡಾ.ಎನ್‌.ಆರ್‌.ನಾರಾಯಣಮೂರ್ತಿ ಅವರ ಅಳಿಯ, ವಿತ್ತ ಖಾತೆ ಮಾಜಿ ಸಚಿವ ರಿಷಿ ಸುನಕ್‌ ಅವರು ಅಧಿಕೃತವಾಗಿ ಪ್ರಧಾನಿ ಹುದ್ದೆಯ ರೇಸ್‌ನಲ್ಲಿ ಇರುವ ಬಗ್ಗೆ ಘೋಷಣೆ ಮಾಡದೇ ಇದ್ದರೂ, ಅವರ ಬೆಂಬಲಿಗರು 100ಕ್ಕೂ ಅಧಿಕ ಮಂದಿ ಸಂಸದರು, ಬೆಂಬಲ ಸೂಚಿಸಿದ್ದಾರೆ ಎಂದು ಹೇಳಿಕೊಂಡಿದ್ದಾರೆ. ಜತೆಗೆ ಅತ್ಯುನ್ನತ ಹುದ್ದೆಗೆ ಅತ್ಯಂತ ಫೇವರೇಟ್‌ ವ್ಯಕ್ತಿ ಎನಿಸಿಕೊಂಡಿದ್ದಾರೆ.
ಇನ್ನೊಂದೆಡೆ, ಎರಡನೇ ಬಾರಿಗೆ ಅದೃಷ್ಟ ಪರೀಕ್ಷೆಗೆ ಇಳಿಯಬೇಕು ಎಂದು ಮನಸ್ಸು ಮಾಡಿರುವ ಮಾಜಿ ಪ್ರಧಾನಿ ಬೋರಿಸ್‌ ಜಾನ್ಸನ್ ಅವರು ಕೆರೆಬಿಯನ್‌ ದ್ವೀಪ ಸಮೂಹದ ಪ್ರವಾಸದಿಂದ ಲಂಡನ್‌ಗೆ ವಾಪಸಾಗಿದ್ದಾರೆ. ಬೆಂಬಲಿಗರ ಜತೆಗೆ ಸಮಾಲೋಚನೆ ನಡೆಸಿರುವ ಬೋರಿಸ್‌ ಜಾನ್ಸನ್ ಪರವಾಗಿಯೂ 100 ಸಂಸದರು ಬೆಂಬಲ ನೀಡಿದ್ದಾರೆ ಎಂಬ ವರ್ತಮಾನಗಳು ಈಗ ಲಭ್ಯವಾಗಿವೆ. ಆದರೆ, ರಿಷಿ ಸುನಕ್‌ ಬೆಂಬಲಿಗರು ಈ ಮಾಹಿತಿಯನ್ನು ಅಲ್ಲಗಳೆದಿದ್ದಾರೆ. ಶುಕ್ರವಾರ ಪ್ರಕಟವಾಗಿದ್ದ ಆನ್‌ಲೈನ್‌ ಸಮೀಕ್ಷೆಯಲ್ಲಿ ಬೋರಿಸ್‌ ಜಾನ್ಸನ್ ಮತ್ತೆ ಪ್ರಧಾನಿಯಾಗುವುದು ಬೇಡ ಎಂದು ಶೇ.52 ಮಂದಿ ಅಭಿಪ್ರಾಯಪಟ್ಟಿದ್ದರು. ಇದೇ ವೇಳೆ, ಮಾಜಿ ಸಚಿವೆ ಪ್ರೀತಿ ಪಟೇಲ್‌ ಜಾನ್ಸನ್ ಅವರಿಗೆ ಬೆಂಬಲ ವ್ಯಕ್ತಪಡಿಸಿದ್ದಾರೆ.
Related Articles
357- ಕನ್ಸರ್ವೇಟಿವ್‌ ಪಕ್ಷದ ಒಟ್ಟು ಸಂಸದರು
186- ಸದ್ಯ ಬೆಂಬಲ ಘೋಷಣೆ ಮಾಡಿದವರು
114- ರಿಷಿ ಸುನಕ್‌
50- ಬೋರಿಸ್‌ ಜಾನ್ಸನ್
22- ಪೆನ್ನಿ ಮಾರ್ಡೆಂಟ್‌
Advertisement