ಉಡುಪಿ : ಪ್ಯಾಂಟ್‌ ಕಿಸೆಯಲ್ಲೇ ಮೈಕ್ರೋಮ್ಯಾಕ್ಸ್‌ ಮೊಬೈಲ್‌ ಸ್ಫೋಟ !

ಉಡುಪಿ:ಇಲ್ಲಿನ ಇಂದ್ರಾಳಿಯ ರೈಲ್ವೇ ನಿಲ್ದಾಣದಲ್ಲಿ ಬೈಕ್‌ನಲ್ಲಿ ತೆರಳುತ್ತಿದ್ದ ವ್ಯಕ್ತಿಯೊಬ್ಬರ ಕಿಸೆಯಲ್ಲೇ ಮೊಬೈಲ್‌ ಸ್ಫೋಟಗೊಂಡ ಘಟನೆ ಮಂಗಳವಾರ ನಡೆದಿದೆ. 

ಕಟಪಾಡಿಯ ಮಂಜುನಾಥ್‌ ಎನ್ನುವವರು ಯಾವುದೇ ಗಂಭೀರ ಗಾಯಗಳಿಲ್ಲದೆ ಪಾರಾಗಿದ್ದಾರೆ. 6 ತಿಂಗಳ ಹಿಂದೆ ಖರೀದಿಸಿದ್ದ ಮೈಕ್ರೊಮ್ಯಾಕ್ಸ್‌ ಮೊಬೈಲ್‌ ಇದಾಗಿದ್ದು, ಬೈಕ್‌ನಲ್ಲಿ ತೆರಳುತ್ತಿದ್ದಾಗ ಕಿಸೆಯಲ್ಲಿ ಬಿಸಿಯಾದ ಅನುಭವವಾಗಿದ್ದು, ನೋಡನೋಡುತ್ತಿದ್ದಂತೆ ಹೊಗೆ ಬರಲಾರಂಭಿಸಿದ್ದು, ಕೂಡಲೆ ಮೊಬೈಲನ್ನು ರಸ್ತೆಗೆ ಎಸೆದಿದ್ದು ಸ್ಫೋಟಗೊಂಡು ಛಿದ್ರವಾಗಿದೆ.  

ಮೊಬೈಲನ್ನು ಶೋರೂಂಗೆ ನೀಡಿದ್ದು, ಬ್ಯಾಟರಿ ಸಮಸ್ಯೆಯಿಂದ ಸ್ಫೋಟಗೊಂಡಿದೆ ಎಂದು ಹೇಳಲಾಗಿದೆ.