Udupi ನ. 16, 17ರಂದು ಕೊಂಕಣ ರೈಲು ಮಾರ್ಗದಲ್ಲಿ ಮೆಗಾ ಬ್ಲಾಕ್

ಉಡುಪಿ: ಕೊಂಕಣ ರೈಲ್ವೇ ಸೊತ್ತು ನಿರ್ವಹಣೆಯ ಹಿನ್ನೆಲೆಯಲ್ಲಿ ಮಡಗಾಂವ್‌-ಕುಮಟಾ ಮತ್ತು ರಾಜಪುರ ರೋಡ್‌ – ಸಿಂಧುದುರ್ಗಾ ಸೆಕ್ಷನ್‌ನಲ್ಲಿ ನ. 16 ಮತ್ತು 17ರಂದು ಮೆಗಾ ಬ್ಲಾಕ್‌ ಇರಲಿದೆ.

ಮಡಗಾಂವ್‌- ಕುಮಟಾ ರೈಲು (06602) ನ. 16ರಂದು ಮಂಗಳೂರು ಸೆಂಟ್ರಲ್‌ನಿಂದ ಹೊರಟು ಕುಮಟಾದಲ್ಲಿ ಕೊನೆಯಾಗಲಿದೆ. ಕುಮಟಾದಿಂದ ಮಡಗಾಂವ್‌ವರೆಗೂ ಸೇವೆ ಇರುವುದಿಲ್ಲ.

ಹಾಗೆಯೇ ರೈಲು (06601) ಮಡಗಾಂವ್‌ ಬದಲಾಗಿ ಕುಮಟಾದಿಂದ ಹೊರಟು ಮಂಗಳೂರು ಸೆಂಟ್ರಲ್‌ಗೆ ಬರಲಿದೆ. ಹಾಗೆಯೇ ಈ ಮೆಗಾ ಬ್ಲಾಕ್‌ನಿಂದ ಮಡಗಾಂವ್‌ನಿಂದ ಮುಂಬಯಿ, ಸಾವಂತ್‌ವಾಡಿ ಕಡೆಗೆ ಹೋಗುವ ರೈಲುಗಳ ಸಮಯದಲ್ಲಿ ಸ್ವಲ್ಪ ವ್ಯತ್ಯಾಸವಾಗಲಿದೆ ಎಂದು ಕೊಂಕಣ ರೈಲ್ವೇ ಪ್ರಕಟನೆ ತಿಳಿಸಿದೆ.