ಉಡುಪಿಯಲ್ಲಿ ಮತ್ತೆ 9 ಮಂದಿಗೆ ಕೋವಿಡ್ ಸೋಂಕು ; ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ 120 ಏರಿಕೆ

ಉಡುಪಿ : ಉಡುಪಿಯಲ್ಲಿ ಇಂದು ಒಟ್ಟು 9 ಮಂದಿಯಲ್ಲಿ ಕೋವಿಡ್ ಸೋಂಕು ದೃಢಪಟ್ಟಿದ್ದು ಇದರೊಂದಿಗೆ ಜಿಲ್ಲೆಯಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 120 ಏರಿಕೆಯಾಗಿದೆ.

ಮಂಗಳವಾರ ಉಡುಪಿ ಜಿಲ್ಲೆಯಲ್ಲಿ ಕೇವಲ ಮೂರು ಪ್ರಕರಣಗಳು ದಾಖಲಾಗಿದ್ದು ಜನತೆ ಕೊಂಚ ನಿರಾಳರಾಗಿದ್ದರು, ಇಂದು ಮತ್ತೆ ಒಂಬತ್ತು ಹೊಸ ಪ್ರಕರಣಗಳು ದೃಢ ಪಟ್ಟಿವೆ. ಸೋಂಕಿತರು ಮಹಾರಾಷ್ಟ್ರ ಮೂಲದವರಾಗಿದ್ದಾರೆ.

ಸೋಂಕಿತರಲ್ಲಿ 9 ವರ್ಷದ ಮಗು ಸೇರಿ, 41 ವರ್ಷದ ಗಂಡಸು , 25 ವರ್ಷದ ಗಂಡಸು , 34 ವರ್ಷದ ಗಂಡಸು , 17 ವರ್ಷದ ಹೆಂಗಸು, 32 ವರ್ಷದ ಗಂಡಸು , 30 ವರ್ಷದ ಗಂಡಸು, 27 ವರ್ಷದ ಗಂಡಸು, 31 ವರ್ಷದ ಹೆಂಗಸಿನಲ್ಲಿ ಸೋಂಕು ಕಂಡುಬಂದಿದೆ.