Uddhav Thackeray ಪಕ್ಷದ ಅಭ್ಯರ್ಥಿ ಪರ ಮುಂಬಯಿ ಸ್ಫೋಟ ಆರೋಪಿ ಪ್ರಚಾರ?

ಮುಂಬಯಿ: ಮುಂಬಯಿಯ ವಾಯವ್ಯ ಕ್ಷೇತ್ರದ ಶಿವಸೇನೆ ಉದ್ಧವ್‌ ಬಣದ ಅಭ್ಯರ್ಥಿ ಅಮೋಲ್‌ ಕೀರ್ತಿಕರ್‌ ಪರವಾಗಿ 1993ರ ಮುಂಬಯಿ ಸ್ಫೋಟದ ಆರೋಪಿ ಇಕ್ಬಾಲ್‌ ಮೂಸಾ ಚುನಾವಣ ಪ್ರಚಾರ ನಡೆಸಿದ್ದಾನೆ ಎಂಬ ವಿಚಾರ ಈಗ ವಿವಾದಕ್ಕೆ ಕಾರಣವಾಗಿದೆ. ಈ ಬಗ್ಗೆ ಮುಂಬಯಿ ಬಿಜೆಪಿ ಘಟಕದ ಅಧ್ಯಕ್ಷ ಆಶಿಶ್‌ ಶೆಲಾರ್‌ ಆಕ್ರೋಶ ವ್ಯಕ್ತಪಡಿಸಿದ್ದು, ಈ ವರೆಗಿನ ಚುನಾವಣೆ ರಾಷ್ಟ್ರೀಯವಾದಿಗಳು ಮತ್ತು ತುಕೆxà ತುಕೆxà ಗ್ಯಾಂಗಿನ ನಡುವಿನದಾಗಿತ್ತು. ಆದರೆ ಇನ್ನು ಮುಂದೆ ಭಾರತ ಮತ್ತು ಪಾಕಿಸ್ಥಾನ ನಡುವಿನ ಚುನಾವಣೆ ಆಗಲಿದೆ ಎಂದು ಟೀಕಿಸಿದ್ದಾರೆ. ಈ ಆರೋಪ ತಿರಸ್ಕರಿಸಿರುವ ಅಮೋಲ್‌ ಕೀರ್ತಿಕರ್‌ “ಇಕ್ಬಾಲ್‌ ರ್ಯಾಲಿಗೆ ಬಂದಿದ್ದು ನಮಗೆ ತಿಳಿದೇ ಇಲ್ಲ, ಇದು ಬಿಜೆಪಿಯದ್ದೇ ಪಿತೂರಿ ಎಂದು ಆರೋಪಿಸಿದ್ದಾರೆ.