“ಉದಯವಾಣಿ’ಕಲ್ಯಾಣಪುರ  ಏಜೆನ್ಸಿಗೆ 50ರ ಸಂಭ್ರಮ

ಉಡುಪಿ: ಉದಯವಾಣಿ ಪತ್ರಿಕೆಯು ಗುಣಮಟ್ಟ ಹಾಗೂ ಸುದ್ದಿಯ ನಿಖರತೆಯನ್ನು ಇಂದಿಗೂ ಕಾಪಾಡಿಕೊಂಡು ಬಂದಿದ್ದು, ವಿಶ್ವಾಸಾ ರ್ಹತೆಗೆ ಪಾತ್ರವಾಗಿದೆ. ಇದು ಮುಂದಿನ ದಿನಗಳಲ್ಲಿ ಮತ್ತಷ್ಟು ಜನರಿಗೆ ತಲುಪುವಂತಾಗಲಿ ಎಂದು ಉದ್ಯಮಿ ಕೆ. ಶಾಂತಾರಾಮ ಬಾಳಿಗ ಹೇಳಿದರು.

ರವಿವಾರ ಕಲ್ಯಾಣಪುರದ ಶ್ರೀ ವೆಂಕಟರಮಣ ದೇವಸ್ಥಾನದ ಸಭಾಂಗಣದಲ್ಲಿ ನಡೆದ “ಉದಯವಾಣಿ’ ಕಲ್ಯಾಣಪುರ ವಿತರಣ ಏಜೆನ್ಸಿಗೆ 50ರ ಸಂಭ್ರಮ ಕಾರ್ಯಕ್ರಮದಲ್ಲಿ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು.
ಮಣಿಪಾಲ ಮೀಡಿಯಾ ನೆಟ್‌ವರ್ಕ್‌ ಲಿ.ನ ವ್ಯವಸ್ಥಾಪಕ ನಿರ್ದೇಶಕ ಟಿ. ಸತೀಶ್‌ ಯು. ಪೈ ಅವರು ಮುಖ್ಯ ಅತಿಥಿಯಾಗಿದ್ದರು.

ಕಲ್ಯಾಣಪುರ ಏಜೆಂಟ್‌ ಕೆ. ವಿಜೇಂದ್ರ ಕಾಮತ್‌-ವಿನಯಾ ಕಾಮತ್‌ ದಂಪತಿ, ಕುಟುಂಬದ ಹಿರಿಯ ಸದಸ್ಯ ಸುಬ್ರಾಯ ಕಾಮತ್‌, ಬ್ರಹ್ಮಾವರದ ಕೆ. ವಾಮನ ಕಾಮತ್‌, ಕಟಪಾಡಿಯ ಕೆ. ಬಾಬುರಾಯ ಶೆಣೈ, ಮಿಲಾಗ್ರಿಸ್‌ ಶಿಕ್ಷಣ ಸಂಸ್ಥೆಯ ಸಿಬಂದಿ, ಮಣಿಪಾಲ ಮೀಡಿಯಾ ನೆಟ್‌ವರ್ಕ್‌ ಲಿ. ಸಿಬಂದಿ ಉಪಸ್ಥಿತರಿದ್ದರು.

ಟಿ. ಸತೀಶ್‌ ಯು. ಪೈ ಅವರನ್ನು ವಿಜೇಂದ್ರ ಕಾಮತ್‌ ದಂಪತಿ  ಸಮ್ಮಾನಿಸಿದರು.

ಸಂತೋಷ್‌ ಕಾಮತ್‌ ಸ್ವಾಗತಿಸಿದರು. ಲಕ್ಷ್ಮೀಶ ಭಟ್‌ ವಂದಿಸಿದರು. ವರದರಾಯ ಕಾಮತ್‌ ಕಾರ್ಯಕ್ರಮ ನಿರೂಪಿಸಿದರು.

ಸಮ್ಮಾನಿತರು
ವಿಜೇಂದ್ರ ಕಾಮತ್‌ ದಂಪತಿ, ಶಾಂತಾರಾಮ ಬಾಳಿಗ ದಂಪತಿ, ಡಾ| ವಿನ್ಸೆಂಟ್‌ ಆಳ್ವ, ಜನಾರ್ದನ ತೋನ್ಸೆ, ಅನಂತ ಪದ್ಮನಾಭ ಕಿಣಿ ದಂಪತಿ, ಕೆ. ಕಾಶೀನಾಥ ಭಟ್‌ ದಂಪತಿ, ಕೆ. ಬಾಬುರಾಯ ಶೆಣೈ ದಂಪತಿ, ವಾಮನ ಕಾಮತ್‌ ದಂಪತಿ, ವಿಜಯ ಕಾಮತ್‌, ಪ್ರಕಾಶ್‌ ಕಾಮತ್‌, ಪತ್ರಿಕೆ ವಿತರಕರಾದ ಮಾಧವ ಪೈ, ರಮೇಶ್‌ ಪೈ, ಯೋಗೀಶ್‌ ಶೆಣೈ ಅವರನ್ನು ಸಮ್ಮಾನಿಸಲಾಯಿತು. ಡಾ| ರಶ್ಮಿ ಹರೀಶ್‌ ಭಟ್‌ ಅವರನ್ನು ಗೌರವಿಸಲಾಯಿತು.

 “ಪ್ರಿಯ ಓದುಗ’ಕ್ಕೆ ಮೆಚ್ಚುಗೆ
ತರಂಗ ವಾರಪತ್ರಿಕೆಯಲ್ಲಿ ಬರುವಂತಹ “ಪ್ರಿಯ ಓದುಗ’ಅಂಕಣದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ ಕೆ. ಶಾಂತಾರಾಮ ಬಾಳಿಗ, ಈ ಅಂಕಣವು ಓದುಗರನ್ನು ಹಿಡಿತದಲ್ಲಿರುವ ಆಕರ್ಷಣೆ ಹೊಂದಿದೆ. ಇದೇ ರೀತಿಯ ಉತ್ತಮ ಅಂಕಣಗಳನ್ನು ಪ್ರಕಟಿಸುವ ಮೂಲಕ ಮಣಿಪಾಲ ಮೀಡಿಯ ನೆಟ್‌ವರ್ಕ್‌ ಲಿ. ಜನರಿಗೆ ಇನ್ನಷ್ಟು ಹತ್ತಿರವಾಗುತ್ತಿದೆ ಎಂದರು.