UAE ಗೋಲ್ಡನ್‌ ವೀಸಾ : ಅಬುಧಾಬಿ ಮಂದಿರಕ್ಕೆ ರಜನಿಕಾಂತ್‌ ಭೇಟಿ

ಅಬುಧಾಬಿ: ಯುಎಇಗೆ ಗೋಲ್ಡನ್‌ ವೀಸಾ ಪಡೆದಿರುವ ನಟ ರಜನಿಕಾಂತ್‌, ಅಬುಧಾಬಿಯಲ್ಲಿರುವ ಬ್ಯಾಪ್ಸ್‌ ಹಿಂದೂ ಮಂದಿರಕ್ಕೆ ಭೇಟಿ ನೀಡಿದ್ದಾರೆ. ಈ ಬಗ್ಗೆ ದೇವಾಲಯದ ಅಧಿಕೃತ ಎಕ್ಸ್‌ ಖಾತೆಯಲ್ಲಿ ಫೋಟೋ ಹಾಗೂ ವೀಡಿಯೋ ಹಂಚಿಕೊಳ್ಳಲಾಗಿದೆ. ನಟ ರಜನಿಕಾಂತ್‌ ಅವರು ದೇವರ ದರ್ಶನ ಪಡೆಯುತ್ತಿರುವ ಫೋಟೋವನ್ನು ದೇವಾಲಯದ ಆಡಳಿತ ಮಂಡಳಿ ಹಂಚಿಕೊಂಡಿದೆ. ಅಬುಧಾಬಿಯ ಕಾರ್ಯನಿರ್ವಾಹಕ ಮಂಡಳಿಯ ಸದಸ್ಯ ಹಾಗೂ ಸಂಸ್ಕೃತಿ, ಪ್ರವಾಸೋದ್ಯಮ ಇಲಾಖೆಯ ಅಧ್ಯಕ್ಷರಾದ ಮೊಹಮ್ಮದ್‌ ಖಲೀಫಾ ಅಲ್‌ ಮುಬಾರಕ್‌ ಅವರಿಂದ ರಜನಿಕಾಂತ್‌ಗೆ ಇತ್ತೀಚೆಗೆ ಗೋಲ್ಡನ್‌ ವೀಸಾ ದೊರೆತಿತ್ತು.