Pro Kabaddi: ಮುಂಬಾ-ಬೆಂಗಾಲ್‌ ರೋಚಕ ಟೈ

ಹೈದರಾಬಾದ್‌: ಯು ಮುಂಬಾ ಮತ್ತು ಬೆಂಗಾಲ್‌ ವಾರಿಯರ್ ನಡುವಿನ ಶನಿವಾರದ ಮೊದಲ ಪಂದ್ಯ ರೋಚಕವಾಗಿ ಸಾಗಿ ಟೈಯಲ್ಲಿ ಅಂತ್ಯ ಕಂಡಿತು. ಎರಡೂ ತಂಡಗಳು 31 ಅಂಕ ಗಳಿಸಿದವು. ಇದು ಪ್ರಸಕ್ತ ಆವೃತ್ತಿಯ ಪ್ರೊ ಕಬಡ್ಡಿ ಟೂರ್ನಿಯ ಮೊದಲ ಟೈ ಫ‌ಲಿತಾಂಶವಾಗಿದೆ.

ಪಂದ್ಯ ಮುಗಿಯಲು ಕೇವಲ 8 ಸೆಕೆಂಡ್‌ ಉಳಿದಿರುವಾಗ ಮುಂಬಾದ ರೋಹಿತ್‌ ರಾಘವ್‌ ಅವರ ಡು-ಆರ್‌-ಡೈ ರೈಡ್‌ನ‌ಲ್ಲಿ ಅಂಕ ಸಮನಾಗುವುದರೊಂದಿಗೆ ಪಂದ್ಯಕ್ಕೆ ಟೈ ಮುದ್ರೆ ಬಿತ್ತು. ವಿರಾಮದ ವೇಳೆ 13-20ರ ಹಿನ್ನಡೆಯಲ್ಲಿದ್ದ ಮುಂಬಾ ಅನಂತರ ಅಮೋಘ ಚೇತರಿಕೆ ಕಂಡಿತು. ರೈಡರ್‌ ಮನ್‌ಜಿàತ್‌ 7, ಡಿಫೆಂಡರ್‌ ಸೋಮ್‌ಬೀರ್‌ 5, ಆಲ್‌ರೌಂಡರ್‌ ರೋಹಿತ್‌ ರಾಘವ್‌ 4 ಅಂಕ ತಂದಿತ್ತರು.

ಬೆಂಗಾಲ್‌ ಪರ ರೈಡರ್‌ ಮಣಿಂದರ್‌ ಸಿಂಗ್‌ 8, ಡಿಫೆಂಡರ್‌ ಮಯೂರ್‌ ಕದಂ 6 ಅಂಕ ಗಳಿಸಿದರು. ಎರಡೂ ತಂಡಗಳು ಒಂದು ಜಯ, ಒಂದು ಸೋಲು, ಒಂದು ಟೈ ಫ‌ಲಿತಾಂಶದೊಂದಿಗೆ ಸಮಬಲದ ಸಾಧನೆಗೈದಿವೆ.