ಅಂಡರ್‌-19 ವಿಶ್ವಕಪ್‌ ಸೆಮಿಫೈನಲ್‌: ಧುಲ್‌-ರಶೀದ್‌ ಅಮೋಘ ಜತೆಯಾಟ

ಕೂಲಿಜ್‌ (ಆಂಟಿಗಾ): ನಾಯಕ ಯಶ್‌ ಧುಲ್‌ ಅವರ ಅಮೋಘ ಶತಕ (110) ಹಾಗೂ ಉಪನಾಯಕ ಶೇಖ್‌ ರಶೀದ್‌ ಅವರ 94 ರನ್‌ ಸಾಹಸದಿಂದ ಆಸ್ಟ್ರೇಲಿಯ ಎದುರಿನ ಅಂಡರ್‌-19 ವಿಶ್ವಕಪ್‌ ಸೆಮಿಫೈನಲ್‌ನಲ್ಲಿ ಭಾರತ 5 ವಿಕೆಟಿಗೆ 290 ರನ್‌ ಪೇರಿಸಿದೆ.

ಯಶ್‌ ಧುಲ್‌ ಎಸೆತಕ್ಕೊಂದರಂತೆ 110 ರನ್‌ ಬಾರಿಸಿದರು (10 ಬೌಂಡರಿ, 1 ಸಿಕ್ಸರ್‌). ಆದರೆ ರಶೀದ್‌ಗೆ ಕೇವಲ ಆರೇ ರನ್ನಿನಿಂದ ಸೆಂಚುರಿ ತಪ್ಪಿತು. ಅವರು 108 ಎಸೆತಗಳಿಂದ 94 ರನ್‌ ಹೊಡೆದರು (8 ಬೌಂಡರಿ, 1 ಸಿಕ್ಸರ್‌). ಈ ಜೋಡಿ ಭರ್ತಿ 200 ಎಸೆತ ನಿಭಾಯಿಸಿ 3ನೇ ವಿಕೆಟಿಗೆ 204 ರನ್‌ ಪೇರಿಸಿ ಆಸ್ಟ್ರೇಲಿಯದ ಮೇಲುಗೈಗೆ ತಡೆಯಾಗಿ ನಿಂತಿತು.

ಇದನ್ನೂ ಓದಿ:ಪ್ರೊ ಕಬಡ್ಡಿ: ಪಾಟ್ನಾ ಪೈರೇಟ್ಸ್‌ ವಿರುದ್ಧ ಯುಪಿ ಯೋಧರಿಗೆ ಸತತ 4ನೇ ಆಘಾತ

13 ಓವರ್‌ಗಳಲ್ಲಿ ಕೇವಲ 37 ರನ್‌ ಆಗುವಷ್ಟರಲ್ಲಿ ಆರಂಭಿಕರಾದ ರಘುವಂಶಿ (6) ಮತ್ತು ಹರ್ನೂರ್‌ ಸಿಂಗ್‌ (16) ವಿಕೆಟ್‌ ಕಳೆದುಕೊಂಡು ಒತ್ತಡಕ್ಕೆ ಸಿಲುಕಿದ ಭಾರತವನ್ನು ರಶೀದ್‌-ಧುಲ್‌ ಜೋಡಿ ಸೇರಿಕೊಂಡು ಮೇಲೆತ್ತಿತು.