“ಎ’ ವಿಭಾಗದ ಲೀಡರ್‌ ಎನಿಸಿರುವ ಉದಯ್‌ ಸಹಾರಣ್‌ ಪಡೆ ತನ್ನ ನೆಚ್ಚಿನ ತಾಣವಾದ ಬ್ಲೋಮ್‌ಫಾಂಟೀನ್‌ನಲ್ಲಿ ಈ ಪಂದ್ಯವನ್ನು ಆಡಲಿದೆ. ಮೂರೂ ಲೀಗ್‌ ಪಂದ್ಯಗಳನ್ನು ಭಾರತ ಇಲ್ಲೇ ಆಡಿತ್ತು. ಆದರೆ ನ್ಯೂಜಿಲ್ಯಾಂಡ್‌ ಈಸ್ಟ್‌ ಲಂಡನ್‌ನಿಂದ ನೂತನ ತಾಣಕ್ಕೆ ಆಗಮಿಸಿದೆ.
Advertisement
ಲೀಗ್‌ ಹಂತದಲ್ಲಿ ಭಾರತಕ್ಕೆ ಎದುರಾದ ಬಾಂಗ್ಲಾದೇಶ, ಐರ್ಲೆಂಡ್‌ ಮತ್ತು ಯುಎಸ್‌ಎ ಅಷ್ಟೇನೂ ಬಲಾಡ್ಯ ತಂಡಗಳಾಗಿರಲಿಲ್ಲ. ಸೂಪರ್‌ ಸಿಕ್ಸ್‌ ಹಂತದಿಂದ ಸ್ಪರ್ಧೆ ತೀವ್ರಗೊಳ್ಳ ಲಿದೆ. 5 ಬಾರಿಯ ಚಾಂಪಿಯನ್‌ ಆಗಿರುವ “ಬಾಯ್ಸ ಇನ್‌ ಬ್ಲೂಸ್‌’ ಲೀಗ್‌ ಹಂತದ ಲಯವನ್ನು ಕಾಯ್ದುಕೊಳ್ಳಬೇಕಿದೆ.
ನ್ಯೂಜಿಲ್ಯಾಂಡ್‌ “ಡಿ’ ವಿಭಾಗದ ದ್ವಿತೀಯ ಸ್ಥಾನಿಯಾಗಿದೆ. ಅಫ್ಘಾನಿಸ್ಥಾನ ವಿರುದ್ಧ ಕೇವಲ 91 ರನ್‌ ಬೆನ್ನಟ್ಟುವಾಗ 9 ವಿಕೆಟ್‌ಗಳನ್ನು ಉದುರಿಸಿಕೊಂಡಿತ್ತು. ಹಾಗೆಯೇ ಪಾಕಿಸ್ಥಾನ ವಿರುದ್ಧ 140ಕ್ಕೆ ಕುಸಿದು 10 ವಿಕೆಟ್‌ ಸೋಲಿಗೆ ತುತ್ತಾಗಿತ್ತು.