ಯಾಕುಬ್‌ ಮೆಮನ್‌ ಸಮಾಧಿ ಮಾರಾಟ: ಇಬ್ಬರ ವಿರುದ್ಧ ಪ್ರಕರಣ

ಮುಂಬಯಿ: 1993ರ ಮುಂಬಯಿ ಸರಣಿ ಬಾಂಬ್‌ ಸೋಟ ಪ್ರಕರಣದಲ್ಲಿ ಗಲ್ಲಿಗೇರಿಸಲ್ಪಟ್ಟ ಯಾಕೂಬ್‌ ಮೆಮನ್‌ನ ಸಮಾಧಿ ಯನ್ನು ಮಾರಾಟ ಮಾಡಿದ ಆರೋಪದ ಮೇಲೆ ಪೊಲೀಸರು ಇಬ್ಬರ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ ಎಂದು ಅಧಿಕಾರಿಯೊಬ್ಬರು ಶನಿವಾರ ತಿಳಿಸಿದ್ದಾರೆ.

2015ರ ಜು. 30ರಂದು ನಾಗಪುರ ಕೇಂದ್ರ ಕಾರಾಗೃಹದಲ್ಲಿ ಗಲ್ಲಿಗೇರಿಸಲ್ಪಟ್ಟ ಅನಂತರ ಮೆಮನ್‌ ನನ್ನು ದಕ್ಷಿಣ ಮುಂಬಯಿಯ ಮರೀನ್‌ ಲೈನ್ಸ್ ಬಡಾ
ಕಬ್ರಾಸ್ತಾನ್‌ನಲ್ಲಿ ಸಮಾಧಿ  ಮಾಡಲಾಗಿತ್ತು. ಈ ಸಮಾಧಿಯನ್ನು ಮಾರಾಟ ಮಾಡಲಾಗಿದೆ ಎಂದು ಮೆಮನ್‌ನ ಸಂಬಂಧಿಯೊಬ್ಬರು ಮಾರ್ಚ್‌ನಲ್ಲಿ ಲೋಕಮಾನ್ಯ ತಿಲಕ್‌ ಮಾರ್ಗ ಪೊಲೀಸ್‌ ಠಾಣೆಗೆ ದೂರು ನೀಡಿದ್ದರು ಎಂದು ಅಧಿಕಾರಿ ತಿಳಿಸಿದ್ದಾರೆ.

ಯಾಕುಬ್‌ ಸಮಾಧಿ ಅಲ್ಲದೆ ಕುಟುಂಬಕ್ಕೆ ನೀಡಲಾದ ಇನ್ನೂ ಮೂರು ಸಮಾಧಿಗಳನ್ನು ಒಟ್ಟು ಐದು ಲಕ್ಷ ರೂ.ಗೆ ಮಾರಾಟ ಮಾಡಲಾಗಿದೆ ಎಂದು ದೂರಿನಲ್ಲಿ
ತಿಳಿಸಲಾಗಿದೆ. ಈ ದೂರಿನ ಆಧಾರದ ಮೇಲೆ ಪ್ರಸಕ್ತ ವರ್ಷದ ಮಾ. 19ರಂದು ಇಬ್ಬರು ವ್ಯಕ್ತಿಗಳ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ.