Tumakuru: ದೇವರಾಯನದುರ್ಗದಲ್ಲಿ ಹೊಸ ಮಾದರಿ ಜೇಡ ಪತ್ತೆ

ದೊಡ್ಡಬಳ್ಳಾಪುರ: ತುಮಕೂರು ಜಿಲ್ಲೆ ದೇವರಾಯನದುರ್ಗ ಬೆಟ್ಟದ ಜಯಮಂಗಲಿ ನದಿ ಉಗಮ ಸ್ಥಾನದ ಬಳಿ ಹೊಸ ಪ್ರಭೇದದ ಜೇಡ ಪತ್ತೆಯಾಗಿದೆ ಎಂದು ದೊಡ್ಡಬಳ್ಳಾಪುರ ಜೇಡ ತಜ್ಞ ವೈ.ಟಿ. ಲೋಹಿತ್‌ ತಿಳಿಸಿದ್ದಾರೆ.

ಹೊಸ ಜೀನಸ್‌ ವರ್ಗಕ್ಕೆ ಸೇರಿದ ಈ ಜೇಡಕ್ಕೆ “ತೆಂಕಣ ಜಯಮಂಗಲಿ’ ಎಂದು ಕನ್ನಡದಲ್ಲಿ ಹೆಸರಿಸಲಾಗಿದೆ. ಸಂಶೋಧನ ವಿಜ್ಞಾನಿಗಳ ತಂಡ ಯೂನಿವರ್ಸಿಟಿ ಆಫ್‌ ಬ್ರಿಟಿಷ್‌ ಕೊಲಂಬಿಯಾ ಲಾಬ್‌ ನೆರವಿನಿಂದ ಅಂತಾರಾಷ್ಟ್ರೀಯ ವಿಜ್ಞಾನ ನಿಯತಕಾಲಿಕೆ ಜೊಕೇಸ್‌ನಲ್ಲಿ ನಮ್ಮ ಸಂಶೋಧನಾ ಬರಹದ ಮೂಲಕ ಜಗತ್ತಿಗೆ ಈ ಜೇಡವನ್ನು ಪರಿಚಯಿಸಿದ್ದಾರೆ. ಈಗಾಗಲೇ ಇರುವ ಜೇಡಗಳ ಡಿಎನ್‌ಗೂ ತೆಂಕಣ ಜಯಮಂಗಲಿಗೂ ಹೊಂದಾಣಿಕೆಯಿಲ್ಲ. ಮೈ ಮೇಲಿನ ಬಣ್ಣ, ದೇಹದ ವಿನ್ಯಾಸದಲ್ಲೂ ಭಿನ್ನವಾಗಿರುವುದು ವಿಶೇಷ.