ಬೆಂಗಳೂರಲ್ಲಿ ಪಿಲಿಬೈಲ್‌ ಯಮುನಕ್ಕ

ಡಿಸೆಂಬರ್‌ನಲ್ಲಿ ತೆರೆಕಂಡ ತುಳು ಚಿತ್ರ “ಪಿಲಿಬೈಲ್‌ ಯಮುನಕ್ಕ’ ಕರಾವಳಿಯಲ್ಲಿ ಪ್ರೇಕ್ಷಕರ ಮನಸ್ಸು ಗೆಲ್ಲುವಲ್ಲಿ ಯಶಸ್ವಿಯಾಗಿತ್ತು. ಈಗ ಈ ಸಿನಿಮಾವನ್ನು ಬೆಂಗಳೂರಿನಲ್ಲಿರುವ ತುಳು ಸಿನಿಮಾ ಪ್ರಿಯರು ಕೂಡಾ ನೋಡುವ ಅವಕಾಶ ಸಿಕ್ಕಿದೆ. ಕೋರಮಂಗಲದ ಪಿವಿಆರ್‌ನಲ್ಲಿ “ಪಿಲಿಬೈಲ್‌ ಯಮುನಕ್ಕ’ ಚಿತ್ರಕ್ಕೆ ಒಂದು ವಾರ ಪ್ರದರ್ಶನವಾಗುವ ಅವಕಾಶ ಸಿಕ್ಕಿದ್ದು, ಸಂಜೆ 4 ಗಂಟೆಯ ಶೋನಲ್ಲಿ “ಪಿಲಿಬೈಲ್‌ ಯಮುನಕ್ಕ’ಳನ್ನು ಕಣ್ತುಂಬಿಕೊಳ್ಳಬಹುದು.

ಫೆ.10ರಿಂದ ಪಿವಿಆರ್‌ನಲ್ಲಿ ಚಿತ್ರ ಪ್ರದರ್ಶನವಾಗುತ್ತಿದ್ದು, ಗುರುವಾರದವರೆಗೆ (ಫೆ.16) ಶೋ ಮುಂದುವರೆಯಲಿದೆ. ” ರೋಹನ್‌ ಶೆಟ್ಟಿ ನಿರ್ಮಾಣದ ಈ ಸಿನಿಮಾವನ್ನು ಸೂರಜ್‌ ಶೆಟ್ಟಿ ನಿರ್ದೇಶಿಸಿದ್ದಾರೆ.