ಪ್ರೆಸ್ಟೀಜ್‌ನಿಂದ ನ್ಯೂಟ್ರಿ-ಮಿಕ್ಸ್‌ 2.0 ಮಿಕ್ಸ್ ರ್ ಗ್ರೈಂಡರ್‌ ಪರಿಚಯ‌

ಬೆಂಗಳೂರು: ದೇಶದಲ್ಲಿ ಅಡುಗೆಮನೆ ಅಪ್ಲೈಯನ್ಸ್‌ ಉದ್ದಿಮೆಯಲ್ಲಿ ಮುಂಚೂಣಿಯಲ್ಲಿರುವ ಟಿಟಿಕೆ ಪ್ರೆಸ್ಟೀಜ್‌ ಸಂಸ್ಥೆಯು ನೂತನವಾದ ಪ್ರೆಸ್ಟೀಜ್‌ ನ್ಯೂಟ್ರಿ -ಮಿಕ್ಸ್‌ 2.0; ಮಿಕ್ಸರ್‌ ಗ್ರೈಂಡರ್‌ನ್ನು ಮಾರುಕಟ್ಟೆಗೆ ಪರಿಚಯಿಸಿದೆ.

ಇದನ್ನು ಮಿಶ್ರಣ ಮಾಡುವುದಕ್ಕೆ, ರುಬ್ಬುವುದಕ್ಕೆ, ಹಣ್ಣಿನ ರಸ ತೆಗೆಯುವ ಅಗತ್ಯಗಳಿಗಾಗಿ ವಿನ್ಯಾಸಗೊಳಿಸಲಾಗಿದ್ದು,
ಇಂದಿನ ಆಧುನಿಕ ಅಡುಗೆಮನೆಗೆ ಸೂಕ್ತವಾಗಿ ಸ್ಥಳ ಉಳಿತಾಯ ಮಾಡುವುದಕ್ಕಾಗಿ ಚಿಕ್ಕದಾಗಿ ವಿನ್ಯಾಸಗೊಳಿಸಲಾಗಿದೆ. ಅಷ್ಟೇ
ಅಲ್ಲದೇ ಇದರ ಪ್ರತಿಯೊಂದು ಜಾರ್‌ಗಳು ಬಹುಪಯೋಗಿಯಾಗಿದ್ದು ಕಡಿಮೆ ಅವಧಿಯಲ್ಲಿ ಮಿಶ್ರಣ ಮಾಡುತ್ತದೆ.

ಈ ಮಿಕ್ಸರ್‌ ಗ್ರೈಂಡರ್‌ 2 ವಿಶಿಷ್ಟವಾದ ಜಾರ್‌ಬೇಸ್‌ಗಳನ್ನು ಹೊಂದಿದ್ದು ಪ್ರತಿ ಯೊಂದರಲ್ಲಿ ಒಣ ರುಬ್ಬುವಿಕೆ ಮತ್ತು ಮಿಶ್ರಣಕ್ಕಾಗಿ ಸೂಕ್ತವಾಗುವ ವಿವಿಧ ಬ್ಲೇಡ್‌ಗಳು ಇವೆ. ಸ್ಟೇನ್‌ಲೆಸ್‌ ಸ್ಟೀಲ್‌ ಜಾರ್‌ ಬೇಸ್‌ ಪ್ಲೇಟ್‌ಗಳನ್ನೂ ಇದು ಹೊಂದಿವೆ. ಆಹಾರ ಪದಾರ್ಥ ಚೆಲ್ಲದಂತೆ ಭದ್ರವಾಗಿರಿಸಲು ಹೆಚ್ಚುವರಿ ಮುಚ್ಚಳಗಳನ್ನು ಕೊಡಲಾಗಿದೆ.

ಪ್ರೆಸ್ಟೀಜ್‌ ನ್ಯೂಟ್ರಿ-ಮಿಕ್ಸ್‌ 2.0 ಇದರ ಬೆಲೆ 3,445 ರೂ. ಆಗಿದ್ದು ಸದ್ಯ 2410 ರೂ.ಗೆ ಮಾರಾಟ ಮಾಡಲಾಗುತ್ತಿದೆ. ಇದಕ್ಕೆ
ಒಂದು ವರ್ಷದವರೆಗಿನ ವಾರಂಟಿಯನ್ನು ನೀಡಲಾಗುತ್ತಿದ್ದು ಎಲ್ಲ ರೀಟೇಲ್‌ ಮಳಿಗೆ ಮತ್ತು ಆನ್‌ಲೈನ್‌ ಮಳಿಗೆಗಳಲ್ಲಿ ಲಭ್ಯವಿದೆ ಎಂದು ಪ್ರಕಟಣೆ ತಿಳಿಸಿದೆ.