US; ಹೆಜ್ಬುಲ್ಲಾ ಬಹಳ ಬುದ್ಧಿವಂತ ಸಂಘಟನೆ ಎಂದ ಡೊನಾಲ್ಡ್ ಟ್ರಂಪ್

ನ್ಯೂಯಾರ್ಕ್ : ”ಹೆಜ್ಬುಲ್ಲಾ ಬಹಳ ಬುದ್ದಿವಂತ ಉಗ್ರ ಸಂಘಟನೆಯಾಗಿದ್ದು, ಇಸ್ರೇಲ್‌ ಉತ್ತಮ ಸಾರ್ವಜನಿಕ ಸಂಪರ್ಕ ಸಾಧಿಸುವ ಅಗತ್ಯವಿದೆ” ಎಂದು ಅಮೆರಿಕ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹೇಳಿದ್ದಾರೆ.

ಇಸ್ರೇಲ್-ಹಮಾಸ್ ಯುದ್ಧದ ಕುರಿತುಯುನಿವಿಷನ್‌ ಸಂದರ್ಶನದಲ್ಲಿ ಟ್ರಂಪ್ ಪ್ರತಿಕ್ರಿಯಿಸಿ, ” ಇಸ್ರೇಲ್ ಸಾರ್ವಜನಿಕ ಸಂಬಂಧಗಳನ್ನು ಇನ್ನಷ್ಟು ಉತ್ತಮಗೊಳಿಸುವ ಕೆಲಸವನ್ನು ಮಾಡಬೇಕಾಗಿದೆ, ಏಕೆಂದರೆ ಇನ್ನೊಂದು ಬದಿಯು ಸಾರ್ವಜನಿಕ ಸಂಬಂಧಗಳ ವಿಚಾರ ಅವರನ್ನು ಸೋಲಿಸುತ್ತಿದೆ” ಎಂದು  ಹೇಳಿಕೆ ನೀಡಿದ್ದಾರೆ.

“ಇರಾನ್‌ ಬಳಿ ಹಣವಿಲ್ಲ ಏಕೆಂದರೆ ಇರಾನ್ ಇದನ್ನು ಮುನ್ನಡೆಸುತ್ತಿದೆ. ಮೂರ್ಖರು ಮಾತ್ರ ಅದು ನಿಜವಲ್ಲ ಎಂದು ಹೇಳುತ್ತಾರೆ. ಇರಾನ್ ನವರೇ ಇದನ್ನು ಮುನ್ನಡೆಸುತ್ತಿದ್ದಾರೆ. ಅವರು ತುಂಬಾ ಟ್ರಿಕಿ, ತುಂಬಾ ಸ್ಮಾರ್ಟ್, ತುಂಬಾ ಕುತಂತ್ರಿಗಳು” ಎಂದು ಮಾಜಿ ಯುಎಸ್ ಅಧ್ಯಕ್ಷರು ಹೇಳಿದರು.

ಪ್ಯಾಲೆಸ್ಟೀನಿಯನ್ನರ ಬಗ್ಗೆ ಮಾತನಾಡುತ್ತಾ ಟ್ರಂಪ್, “ಇಸ್ರೇಲ್ ಮತ್ತು ಯಹೂದಿ ಜನರ ಮೇಲೆ ಪ್ಯಾಲೇಸ್ಟಿನಿಯನ್ನರ ದ್ವೇಷದಂತಹ ಬೇರೆ ಯಾವುದೇ ದ್ವೇಷವಿಲ್ಲ. ಕೆಲವೊಮ್ಮೆ, ನೀವು ವಿಷಯಗಳನ್ನು ನಡೆಯಲು ಬಿಡಬೇಕು ಮತ್ತು ಅದು ಎಲ್ಲಿ ಕೊನೆಗೊಳ್ಳುತ್ತದೆ ಎಂಬುದನ್ನು ನೀವು ನೋಡಬೇಕು” ಎಂದರು.