ಹಳಿ ತಪಾಸಣೆ ಟ್ರಾಲಿಗಳಿಗೆ ಜಿಪಿಎಸ್‌ ಜೋಡಿಸಲು ರೈಲ್ವೇ ನಿರ್ಧಾರ

ಹೊಸದಿಲ್ಲಿ : ಹಳಿ ತಪಾಸಣೆಗಾಗಿ ಬಳಸುವ, ಕೈಯಿಂದ ಎಳೆಯುವ ಟ್ರಾಲಿಗಳಿಗೆ ಜಿಪಿಎಸ್‌ ಟ್ರ್ಯಾಕರ್‌ಗಳನ್ನು ಜೋಡಿಸಲು ರೈಲ್ವೇ ಸಚಿವಾಲಯ ನಿರ್ಧರಿಸಿದೆ.

ಈ ರೀತಿ ಕೈಯಿಂದ ಎಳೆಯಲ್ಪಡುವ ಟ್ರಾಲಿಗಳಿಗೆ ಜಿಪಿಎಸ್‌ ಜೋಡಿಸುವ ಕಾರ್ಯವನ್ನು ಒಂದು ತಿಂಗಳ ಒಳಗಾಗಿ ಮಾಡಬೇಕು ಎಂದು ರೈಲ್ವೇ ಸಚಿವಾಲಯ ಎಲ್ಲ ವಲಯ ರೈಲ್ವೇಗಳಿಗೆ ಪತ್ರ ಬರೆದು ಆದೇಶಿಸಿದೆ.

ಕಳೆದ ಕೆಲ ಸಮಯದಿಂದ ನಿರಂತರವಾಗಿ ರೈಲು ಹಳಿ ತಪ್ಪುವ ದುರಂತಗಳು ಸಂಭವಿಸುತ್ತಿರುವ ಹಿನ್ನೆಲೆಯಲ್ಲಿ ರೈಲ್ವೇ ಸಚಿವಾಲಯ ಜಿಪಿಎಸ್‌ ಜೋಡಣೆ ನಿರ್ಧಾರ ಕೈಗೊಂಡಿದೆ.