Hagaribommanahalli: ರೈಲ್ವೇ ಹಳಿ ದಾಟುತ್ತಿರುವಾಗ ರೈಲು ಡಿಕ್ಕಿ: ವ್ಯಕ್ತಿ ಸಾವು

ಹಗರಿಬೊಮ್ಮನಹಳ್ಳಿ: ರೈಲ್ವೇ ಹಳಿ ದಾಟುತ್ತಿದ್ದಾಗ ಡೆಮೋ ರೈಲು ಡಿಕ್ಕಿ ಹೊಡೆದ ಕಾರಣ ವ್ಯಕ್ತಿಯೋರ್ವ ಸಾವಿಗೀಡಾದ ಘಟನೆ ನಡೆದಿದೆ.

ನಗರದ ಕೆವಿಓಆರ್ ಕಾಲೋನಿಯ ಮಲ್ಲಿಗೆವನ ನಿವಾಸಿ, ಜೆಸ್ಕಾಂ ಇಲಾಖೆಯ ನಿವೃತ್ತ ಮೀಟರ್ ರೀಡರ್ ಬಸವರಾಜ್ ಕಲ್ಮನಿ (78) ಮೃತ ದುರ್ದೈವಿಯಾಗಿದ್ದಾರೆ.

ಬಸವರಾಜ ಕಲ್ಮನಿ ಪಟ್ಟಣದ ಬಸವೇಶ್ವರ ಬಜಾರದಲ್ಲಿರುವ ಎಸ್ ಬಿ ಐ ಬ್ಯಾಂಕಿಗೆ ಹೋಗಿದ್ದು ಮರಳಿ ಮನೆಗೆ ಬರುತ್ತಿರುವಾಗ ಎನ್ ಆರ್ ಎಸ್ ಲಾಡ್ಜ್ ಪಕ್ಕದಲ್ಲಿರುವ ರೈಲು ಹಳಿ ದಾಟಲು ಹೋಗಿದ್ದಾರೆ, ಅದೇ ಸಮಯದಲ್ಲಿ ಬೆಳಿಗ್ಗೆ 11.20ರ ಸುಮಾರಿನಲ್ಲಿ ಹೊಸಪೇಟೆಯಿಂದ ದಾವಣಗೆರೆ ಕಡೆ ಹೊರಟಿದ್ದ, ಪ್ರಯಾಣಿಕರ ರೈಲು ಡಿಕ್ಕಿಯಾಗಿ ಸಾವನಪ್ಪಿದ್ದಾರೆ. ವೃಂಡ ಮುಂಡಗಳೆರಡು ಬೇರೆ ಬೇರೆಯಾಗಿವೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬಳ್ಳಾರಿ ರೈಲ್ವೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.