ಆಂಧ್ರಪ್ರದೇಶದ ಗುಂಟೂರಿನಲ್ಲಿರುವ ಜಿನ್ನಾ ಗೋಪುರಕ್ಕೆ ತ್ರಿವರ್ಣ ಬಣ್ಣ

ಗುಂಟೂರು: ಆಂಧ್ರಪ್ರದೇಶದ ಗುಂಟೂರಿನಲ್ಲಿರುವ ಜಿನ್ನಾ ಗೋಪುರಕ್ಕೆ ತ್ರಿವರ್ಣ ಬಣ್ಣವನ್ನು ಬಳಿಯಲಾಗಿದೆ. ಅದರ ಮುಂದೆ ಧ್ವಜಾರೋಹಣ ನಡೆಸಲು ಒಂದು ಧ್ವಜ ಸ್ತಂಭವನ್ನೂ ನಿಲ್ಲಿಸಲಾಗಿದೆ.

ಜ. 26ರಂದು ಹಿಂದೂ ವಾಹಿನಿ ಎಂಬ ಸಂಘಟನೆಗೆ ಸೇರಿದ ಮೂವರು, ಜಿನ್ನಾ ಗೋಪುರದ ಬಳಿ ತ್ರಿವರ್ಣ ಧ್ವಜ ಹಾರಿಸಲು ಯತ್ನಿಸಿ ದ್ದರು. ಅವರನ್ನು ಪೊಲೀಸರು ವಶಕ್ಕೆ ಪಡೆದಿದ್ದರು. ಆಗಿ ನಿಂದಲೂ ಈ ಗೋಪುರ ವಿವಾದದ ಕೇಂದ್ರ ಬಿಂದುವಾ ಗಿತ್ತು. ಗೋಪುರದ ಹೆಸರು ಬದಲಿಸಬೇಕೆಂದು ಬಿಜೆಪಿ ಪಟ್ಟು ಹಿಡಿದಿತ್ತು.

ಕೆಲವು ಸಂಘಟನೆಗಳು ಇದಕ್ಕೆ ವಿಜ್ಞಾನಿ, ಮಾಜಿ ರಾಷ್ಟ್ರಪತಿ ಅಬ್ದುಲ್‌ ಕಲಾಂ ಹೆಸರಿಡಬೇಕೆಂದು ಒತ್ತಾಯಿಸಿದ್ದವು. ಇದೆಲ್ಲದರ ನಡುವೆಯೇ ಗುಂಟೂರಿನ ವೈಎಸ್‌ಆರ್‌ ಪಕ್ಷದ ಶಾಸಕ ಮೊಹಮ್ಮದ್‌ ಮುಸ್ತಾಫಾ, ಗೋಪುರಕ್ಕೆ ತ್ರಿವರ್ಣ ಧ್ವಜದ ಬಣ್ಣ ಬಳಿಯಿಸಿ, ಧ್ವಜಾರೋ ಹಣಕ್ಕೆ ಅನುಕೂಲ ಮಾಡಿಕೊಟ್ಟಿದ್ದಾರೆ.

ಇದನ್ನೂ ಓದಿ:ಯುಗಾದಿ ಹೊತ್ತಿಗೆ ಬದಲಾವಣೆ ನಿಶ್ಚಿತ: ಬಸನಗೌಡ ಪಾಟೀಲ್‌ ಯತ್ನಾಳ್‌