ಸೋಮಂತಡ್ಕ: ವಿದ್ಯುತ್ ಲೈನ್ ಮತ್ತು ರಸ್ತೆ ಮೇಲೆ ಮರ ಬಿದ್ದು ಸಂಚಾರ ಅಸ್ತವ್ಯಸ್ತ

ಬೆಳ್ತಂಗಡಿ: ಮಂಗಳೂರು – ವಿಲ್ಲೂಪುರಂ ರಾಷ್ಟ್ರೀಯ ಹೆದ್ದಾರಿ 73ರ ಮುಂಡಾಜೆ ಗ್ರಾಮದ ಸೋಮಂತಡ್ಕದಲ್ಲಿ ರವಿವಾರ ಬೃಹತ್ ಗಾತ್ರದ ಮರವೊಂದು ವಿದ್ಯುತ್ ಲೈನ್ ಹಾಗೂ ರಸ್ತೆ ಮೇಲೆ ಬಿದ್ದು ಸುಮಾರು ಒಂದು ತಾಸು ಸಂಚಾರಕ್ಕೆ ತೊಡಕು ಉಂಟಾಯಿತು.

ಮರ ಬಿದ್ದ ಕಾರಣ ಒಂದು ವಿದ್ಯುತ್ ಕಂಬ ಮುರಿದಿದೆ. ರವಿವಾರ ಹೆಚ್ಚಿನ ವಾಹನ ಸಂದಣಿ ಇದ್ದ ಕಾರಣ ಸರತಿ ಸಾಲು ಕಂಡುಬಂದಿತು.

ಇದನ್ನೂ ಓದಿ:ಮಾರ್ಜಾಲಕ್ಕೆ ಜೀವದಾನ ಮಾಡಿ ಮಾನವೀಯತೆ ಮೆರೆದ ಉಡುಪಿ ಅಗ್ನಿಶಾಮಕ ದಳ

ಅರಣ್ಯ ಇಲಾಖೆ, ಮೆಸ್ಕಾಂ, ಮುಂಡಾಜೆ ಗ್ರಾಮ ಪಂಚಾಯತ್ ಸಿಬ್ಬಂದಿಗಳು ಹಾಗೂ ಸ್ಥಳೀಯರು ಮರವನ್ನು ತೆರವುಗೊಳಿಸಿ ಸುಗಮ ಸಂಚಾರಕ್ಕೆ ಅನುವು ಮಾಡಿಕೊಟ್ಟರು.

ಮೆಸ್ಕಾಂನಿಂದ ವಿಭಾಗಕ್ಕೆ ಬದಲಿ ಲೈನ್ ನಲ್ಲಿ ವಿದ್ಯುತ್ ವ್ಯವಸ್ಥೆ ಕಲ್ಪಿಸಲಾಯಿತು.