Advertisement
ಬಿಬಿಎಂಪಿ ಆಯುಕ್ತ ಎನ್‌.ಮಂಜುನಾಥ ಪ್ರಸಾದ್‌ ಹಾಗೂ ಎಚ್‌ಎಎಲ್‌ ಬೆಂಗಳೂರು ಸಂಕೀರ್ಣದ ಮುಖ್ಯ ಕಾರ್ಯನಿರ್ವಣಾಧಿಕಾರಿ ಶೇಖರ್‌ ಶ್ರೀವಾತ್ಸವ ಅವರು ಸೋಮವಾರ ಒಡಂಬಡಿಗೆ ಸಹಿ ಹಾಕಿದ್ದಾರೆ. ಒಪ್ಪಂದದ ಪ್ರಕಾರ ಎಚ್‌ಎಎಲ್‌ ಸಂಸ್ಥೆ ಅಂಡರ್‌ ಪಾಸ್‌ ನಿರ್ಮಾಣಕ್ಕಾಗಿ ಸುರಂಜನ್‌ದಾಸ್‌ ಜಂಕ್ಷನ್‌ ಬಳಿ ಸಂಸ್ಥೆಗೆ ಸೇರಿದ 31,000 ಅಡಿ ಜಾಗವನ್ನು ಪಾಲಿಕೆಗೆ ನೀಡಲಿದೆ.
Related Articles
Advertisement
ಒಡಂಬಡಿಕೆ ವೇಲೆ ಎಚ್‌ಎಎಲ್‌ನ ಮುಖ್ಯ ವ್ಯವಸ್ಥಾಪಕ ನಿರ್ದೇಶಕ ಟಿ.ಸುವರ್ಣರಾಜು ಸೇರಿ ಪ್ರಮುಖರು ಹಾಜರಿದ್ದರು.
ಸಿಗ್ನಲ್‌ ಮುಕ್ತ ಕಾಮಗಾರಿಯ ವಿವರ: ವೆಲ್ಲಾರ ಜಂಕ್ಷನ್‌ನಿಂದ ಹೋಫ್ ಫಾರಂವರೆಗೆ 17 ಕಿ.ಮೀ. ಉದ್ದದ ರಸ್ತೆಯನ್ನು ಸಿಗ್ನಲ್‌ ಮುಕ್ತಗೊಳಿಸುವುದು ಪಾಲಿಕೆಯ ಉದ್ದೇಶವಾಗಿದೆ. ಅದರಂತೆ ಸುರಂಜನ್‌ದಾಸ್‌ ಜಂಕ್ಷನ್‌ (ಕುವೆಂಪು ವೃತ್ತ), ವಿಂಡ್‌ ಟನಲ್‌ ರಸ್ತೆ ಜಂಕ್ಷನ್‌ ಹಾಗೂ ಕುಂದಲಹಳ್ಳಿ ಜಂಕ್ಷನ್‌ಗಳಲ್ಲಿ ಅಂಡರ್‌ಪಾಸ್‌ಗಳನ್ನು ನಿರ್ಮಿಸಲು ಯೋಜನೆ ರೂಪಿಸಲಾಗಿದೆ.
ಮುಖ್ಯಮಂತ್ರಿಗಳ ನಗರೋತ್ಥಾನ ಅಡಿಯಲ್ಲಿ 20 ಕೋಟಿ ರೂ. ವೆಚ್ಚದಲ್ಲಿ ಕುವೆಂಪು ವೃತ್ತದಲ್ಲಿ ಅಂಡರ್‌ಪಾಸ್‌ ನಿರ್ಮಾಣವಾಗಲಿದ್ದು, 55 ಕೋಟಿ ರೂ. ವೆಚ್ಚದ ವಿಂಡ್‌ ಟನಲ್‌ ರಸ್ತೆ ಅಭಿವೃದ್ಧಿ 12 ತಿಂಗಳಲ್ಲಿ ಪೂರ್ಣಗೊಳ್ಳಲಿದೆ. ಇದರಿಂದ ಎಚ್‌ಎಎಲ್‌ ರಸ್ತೆಯಲ್ಲಿ ಸಂಚಾರ ದಟ್ಟಣೆ ಕಡಿಮೆಯಾಗಲಿದೆ.-ಕೆ.ಟಿ.ನಾಗರಾಜ್‌, ಮುಖ್ಯ ಎಂಜಿನಿಯರ್‌ (ಯೋಜನೆ) ಅಂಡರ್‌ಪಾಸ್‌ಗಳ ನಿರ್ಮಾಣ ಎಲ್ಲೆಲ್ಲಿ?
-ಸುರಂಜನ್‌ದಾಸ್‌ ಜಂಕ್ಷನ್‌ (ಕುವೆಂಪು ವೃತ್ತ)
-ವಿಂಡ್‌ ಟನಲ್‌ ರಸ್ತೆ ಜಂಕ್ಷನ್‌
-ಕುಂದಲಹಳ್ಳಿ ಜಂಕ್ಷನ್‌