ಹೈದರಾಬಾದ್: ಟಾಲಿವುಡ್ ಸೂಪರ್ ಸ್ಟಾರ್ ಪ್ರಭಾಸ್ ಅವರಿಗೆ ಕಾರುಗಳೆಂದರೆ ಪ್ರಂಚ ಪ್ರಾಣ. ಬಾಹುಬಲಿ ಖ್ಯಾತಿಯ ಈ ನಟನಿಗೆ ದುಬಾರಿ ಕಾರುಗಳ ಮೇಲೆ ಎಲ್ಲಿಲ್ಲದ ಮೋಹ. ಇದೀಗ ಪ್ರಭಾಸ್ ಅವರು ಮತ್ತೊಂದು ಹೊಸ ಕಾರು ಖರೀದಿಸಿದ್ದಾರೆ.
ಹೌದು, ಅಮರೇಂದ್ರ ಬಾಹುಬಲಿ ಖ್ಯಾತಿಯ ಪ್ರಭಾಸ್ ಮನೆಗೆ ಹೊಸ ಕಾರು ಸೇರ್ಪಡೆಯಾಗಿದೆ. ದುಬಾರಿ ಬೆಲೆಯ ‘ಲ್ಯಾಂಬೋರ್ಗಿನಿ ಅವೆಂಟಡಾರ್ ರೋಡ್‍ಸ್ಟರ್ ’ ಕಾರು ಖರೀದಿಸಿದ್ದಾರಂತೆ. ಭಾರತದಲ್ಲಿ ಲ್ಯಾಂಬೋರ್ಗಿನಿ ಅವೆನ್ಟೆಡೊರ್ ರೋಡ್‍ಸ್ಟರ್ ಕಾರಿನ ಬೆಲೆ 5.6 ಕೋಟಿ ರೂಪಾಯಿ.
ಪ್ರಭಾಸ್ ಅವರ ಬಳಿ ಈಗಾಗಲೇ ಹಲವು ಐಷಾರಾಮಿ ಬಿಎಂಡಬ್ಲ್ಯೂ, ಮರ್ಸಿಡೀಸ್, ಆಡಿ ಕ್ಯೂ5 ಕಾರುಗಳಿವೆ. ಇದೀಗ ಈ ಸಾಲಿಗೆ ಲ್ಯಾಂಬೋರ್ಗಿನಿ ಕೂಡ ಸೇರಿದೆ. ಪ್ರಭಾಸ್ ಅವರ ಹೊಸ ಕಾರಿನ ಫೋಟೋ ಮತ್ತು ವೀಡಿಯೋಗಳು ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿವೆ.
ಇತ್ತೀಚಿಗೆ ನಡೆದ ಸಂದರ್ಶನವೊಂದರಲ್ಲಿ ಕಾರುಗಳ ಮೇಲೆ ತಮಗಿರುವ ಆಸಕ್ತಿ ಬಗ್ಗೆ ಪ್ರಭಾಸ್ ಹೇಳಿಕೊಂಡಿದ್ದರು. ಲ್ಯಾಂಬೋರ್ಗಿನಿ ಕಾರು ಖರೀದಿಸುವ ಕನಸನ್ನೂ ಬಿಚ್ಚಿಟ್ಟಿದ್ದರು.ಇದೀಗ ಅವರ ಕನಸು ಈಡೇರಿದೆ. ಪ್ರಭಾಸ್ ಮನೆ ಎದುರು ಆರೆಂಜ್ ಬಣ್ಣದ ಲ್ಯಾಂಬೋರ್ಗಿನಿ ಕಾರು ಬಂದು ನಿಂತಿದೆ.
ಇನ್ನು ಸದ್ಯ ಪ್ರಭಾಸ್ ರೊಮ್ಯಾಂಟಿಕ್ ‘ರಾಧೆ ಶ್ಯಾಮ್’ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಅದರ ಜತೆಗೆ ‘ಆದಿಪುರುಷ’ ಚಿತ್ರಕ್ಕೂ ನಾಯಕನಟರಾಗಿದ್ದಾರೆ. ಈ ಚಿತ್ರದಲ್ಲಿ ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ ಪ್ರಭಾಸ್ ಅವರಿಗೆ ನಾಯಕಿಯಾಗಿ ನಟಿಸುತ್ತಿದ್ದಾರೆ.
