ಪಶ್ಚಿಮ ಬಂಗಾಲ ಉಪಚುನಾವಣೆ: ಎರಡೂ ಸ್ಥಾನ ಗೆದ್ದ ಟಿಎಂಸಿ

ಕೋಲ್ಕತ : ಪಶ್ಚಿಮ ಬಂಗಾಲದ ಉಲುಬೆರಿಯಾ ಲೋಕಸಭಾ ಕ್ಷೇತ್ರ ಮತ್ತು ನವಪಾರಾ ವಿಧಾನಸಭಾ ಕ್ಷೇತ್ರಕ್ಕೆ ನಡೆದಿರುವ ಉಪಚುನಾವಣೆಯಲ್ಲಿ ತೃಣಮೂಲ ಕಾಂಗ್ರೆಸ್‌ ಈ ಎರಡೂ ಕ್ಷೇತ್ರಗಳನ್ನು ಗೆದ್ದುಕೊಂಡಿದೆ.

ಬಿಜೆಪಿ ತನ್ನ ಮತ ಗಳಿಕೆಯನ್ನು ಹೆಚ್ಚಿಸಿಕೊಂಡು ಎರಡನೇ ಸ್ಥಾನಕ್ಕೆ ತೃಪ್ತಿ ಪಟ್ಟಿದೆ. ಸಿಪಿಐಎಂ ಮೂರನೇ ಸ್ಥಾನಕ್ಕೆ ಇಳಿದಿದೆ. 

ಉಲುಬೆರಿಯಾ ಲೋಕಸಭಾ ಸ್ಥಾನವನ್ನು ತೃಣಮೂಲ ಕಾಂಗ್ರೆಸ್‌ನ ಸಜ್‌ದಾ ಅಹ್ಮದ್‌ ಗೆದ್ದುಕೊಂಡರು. ಇವರಿಗೆ 7,67,219 ಮತಗಳು ದೊರತೆರೆ ಬಿಜೆಪಿಯ ಅನುಪಮ್‌ ಮಲಿಕ್‌ ಅವರಿಗೆ 2,94,018 ಮತಗಳ ಪ್ರಾಪ್ತವಾದವು. 

ನವಪಾರಾ ವಿಧಾನಸಭಾ ಕ್ಷೇತ್ರವನ್ನು ಟಿಎಂಸಿ ಅಭ್ಯರ್ಥಿ ಸುನೀಲ್‌ ಸಿಂಗ್‌ ಗೆದ್ದುಕೊಂಡರು. 2016ರಲ್ಲಿ ಈ ಕ್ಷೇತ್ರವನ್ನು ಕಾಂಗ್ರೆಸ್‌ ಗೆದ್ದಿತ್ತು.