ಕಾಶ್ಮೀರ: ಆಗಸ್ಟ್ ‌ವರೆಗೆ 139 ಉಗ್ರರ ಹತ್ಯೆ

ಹೊಸದಿಲ್ಲಿ: ಜಮ್ಮು ಮತ್ತು ಕಾಶ್ಮೀರದಲ್ಲಿ ಕಳೆದ 8 ತಿಂಗಳಿನಲ್ಲಿ 139 ಉಗ್ರರನ್ನು ಹತ್ಯೆಗೈದಿರುವುದಾಗಿ ಸೇನೆ ಹೇಳಿಕೊಂಡಿದೆ. ಸೇನೆಯಿಂದ ಹತ್ಯೆಗೊಳಗಾದವರಲ್ಲಿ ನಿಯಂತ್ರಣ ರೇಖೆ ಸನಿಹ ಒಳ ನುಸುಳುತ್ತಿದ್ದ ಉಗ್ರರೂ ಸೇರಿದ್ದಾರೆ.

ಜ.1ರಿಂದ ಆಗಸ್ಟ್ 29ರವರೆಗಿನ ಪಟ್ಟಿ ಇದಾಗಿದೆ. ಇದೇ ಅವಧಿಯಲ್ಲಿ ಸೇನೆಯ 26 ಮಂದಿ ಹುತಾತ್ಮರಾಗಿದ್ದರೆ. ಫೆಬ್ರವರಿ ಒಂದೇ ತಿಂಗಳಲ್ಲಿ ಸೇನೆಯ 8 ಮಂದಿ ಮೃತಪಟ್ಟಿದ್ದು ಗರಿಷ್ಠವಾಗಿದೆ. ಆಗಸ್ಟ್ ‌ನಲ್ಲಿ ಐವರು ಉಗ್ರರನ್ನು ಹತ್ಯೆಗೈದಿರುವುದಾಗಿ ಸೇನೆ ಹೇಳಿಕೊಂಡಿದೆ. ಮೇ ಒಂದೇ ತಿಂಗಳಲಿನಲ್ಲಿ 27 ಮಂದಿಯನ್ನು ಹತ್ಯೆಗೈದಿರುವುದಾಗಿ ಹೇಳಿದೆ.

ಇದೇ ವೇಳೆ ಪಾಕಿಸ್ಥಾನದ ಅಪ್ರಚೋದಿತ ಗುಂಡಿನ ದಾಳಿ ಪ್ರಕರಣಗಳು ಏರಿಕೆಯಾಗಿವೆ. ಜುಲೈ ಒಂದೇ ತಿಂಗಳಿನಲ್ಲಿ 296 ಗುಂಡಿನ ದಾಳಿ ನಡೆದಿವೆ. ಕಳೆದ 8 ತಿಂಗಳಿನಲ್ಲಿ ಒಟ್ಟು 1889 ಗುಂಡಿನ ದಾಳಿಗಳು ನಡೆದಿವೆ.