ಇಟಲಿಯ ಮಿಲಾನ್‌ ಸಮೀಪ ರೈಲು ಹಳಿ ತಪ್ಪಿ 3 ಸಾವು, ಹಲವರು ಜಖಂ

ಮಿಲಾನ್‌ : ಉತ್ತರ ಇಟಲಿಯ ಮಿಲಾನ್‌ ಸಮೀಪ ಪ್ರಾದೇಶಿಕ ರೈಲೊಂದು ಹಳಿ ತಪ್ಪಿ ಸಂಭವಿಸಿದ ದುರಂತದಲ್ಲಿ ಮೂವರು ಮೃತಪಟ್ಟು ಇತರ 10 ಮಂದಿ ಗಂಭೀರವಾಗಿ ಗಾಯಗೊಂಡರು.

ಗಾಯಾಳುಗಳ ಸಂಖ್ಯೆ 100 ದಾಟಿದೆ ಎಂದು ಮಿಲಾನ್‌ನ ಪ್ರಾದೇಶಿಕ ತುರ್ತು ಸೇವಾ ಘಟಕದ ಅಧಿಕಾರಿ ಕ್ರಿಸ್ಟಿನಾ ಕಾರ್ಬೆಟ್‌ ತಿಳಿಸಿದ್ದಾರೆ.

ರೈಲು ಅವಘಡ ಸಂಭವಿಸಿದ ತಾಸುಗಳ ಬಳಿಕ ರಕ್ಷಣಾ ಕಾರ್ಯಕರ್ತರು ಅವಶೇಷಗಳೆಡೆಯಿಂದ ಮೃತರನ್ನು, ಗಾಯಾಳುಗಳನ್ನು ಹೊರತೆಗೆಯುವ ಕೆಲಸ ಕೈಗೊಂಡರು. 

ಹಳಿ ತಪ್ಪಿದ ರೈಲಿನ ಬೋಗಿಗಳ ಪೈಕಿ ಒಂದು ಹಳಿಯಲ್ಲೇ ಸಂಪೂರ್ಣ ಅಡ್ಡವಾಗಿ ಬಿದ್ದಿತ್ತು ಎಂದು ಕಾರ್ಬೆಟ್‌ ತಿಳಿಸಿದ್ದಾರೆ.