Advertisement
ಶಿಯೋಮಿ, ವು ಹಾಗೂ ಮೈಕ್ರೋಮ್ಯಾಕ್ಸ್‌ನಂಥ ಕಂಪನಿಗಳಿಗೆ ಪ್ರತಿಸ್ಪರ್ಧೆ ಒಡ್ಡಲು ಥಾಮ್ಸನ್‌ ದರವನ್ನು ಅತ್ಯಂತ ಸ್ಪರ್ಧಾತ್ಮಕವಾಗಿ ನಿಗದಿ ಮಾಡಿದೆ. ಫ್ರಾನ್ಸ್‌ ಮೂಲದ ಕಂಪನಿ ಥಾಮ್ಸನ್‌, ಪ್ರಧಾನಿ ನರೇಂದ್ರ ಮೋದಿಯವರ “ಮೇಕ್‌ ಇನ್‌ ಇಂಡಿಯಾ’ಕ್ಕೆ ಪ್ರೋತ್ಸಾಹ ನೀಡುವ ನಿಟ್ಟಿನಲ್ಲಿ ಸೂಪರ್‌ ಪ್ಲಾಸ್ಟಿಕ್ಸ್‌ ಪ್ರೈ. ಲಿಮಿಟೆಡ್‌ (ಎಸ್‌ಪಿಪಿಎಲ್‌) ಜತೆ ಸಹಭಾಗಿತ್ವ ಸಾಧಿಸಿದೆ.
Related Articles
Advertisement
1 ಜಿಬಿ ರ್ಯಾಮ್‌ 8 ಜಿಬಿ ಸ್ಟೋರೇಜ್‌ ಹೊಂದಿದ್ದು, ಅಪ್ಲಿಕೇಶನ್‌ ಡೇಟಾಗಳನ್ನು ಸಂಗ್ರಹಿಸುವಷ್ಟು ಸ್ಥಳಾವಕಾಶವಿದೆ. ಇನ್ನೊಂದು ವಿಶೇಷತೆಯೆಂದರೆ 10 ವ್ಯಾಟ್‌ ಸ್ಪೀಕರ್‌ಗಳನ್ನು ಇದು ಹೊಂದಿದ್ದು, ಸಿನಿಮಾ ವೀಕ್ಷಿಸುವಾಗ ಉತ್ತಮ ಗುಣಮಟ್ಟದ ಧ್ವನಿಯೂ ಕೇಳಿಸುತ್ತದೆ. 3 ಎಚ್‌ಡಿಎಂಐ ಪೋರ್ಟ್‌ ಹಾಗೂ 2 ಯುಎಸ್‌ಬಿ ಪೋರ್ಟ್‌ ಇವೆ. ಫೋಟೋಗಳನ್ನು ವೀಕ್ಷಿಸಲು ಒಂದು ಎಸ್‌ಡಿ ಕಾರ್ಡ್‌ ಪೋರ್ಟ್‌ ಕೂಡಾ ಇದೆ.
40 ಇಂಚಿನ ಸ್ಮಾರ್ಟ್‌ ಟಿವಿ ಸ್ಯಾಮ್ಸಂಗ್‌ ಎಲ್ಇಡಿ ಪ್ಯಾನೆಲ್ ಹೊಂದಿದ್ದು ಇದು 4ಕೆ ಅಲ್ಲ. ಅಲ್ಲದೆ ಇದು 1920 x 1080 ಪಿಕ್ಸೆಲ್ ಹಾಗೂ ಆಂಡ್ರಾಯ್ಡ ಲಾಲಿಪಪ್‌ ಆಪರೇಟಿಂಗ್‌ ಸಿಸ್ಟಮ್‌ ಹೊಂದಿದೆ. ಉಳಿದ ವೈಶಿಷ್ಟ್ಯಗಳು 43 ಇಂಚಿನ ಟಿವಿಯಲ್ಲಿರುವಂತೆಯೇ ಇದೆ. 32 ಇಂಚಿನ ಟಿವಿ 1366x 768 ಪಿಕ್ಸೆಲ್ ಹೊಂದಿದೆ ಹಾಗೂ 20 ವ್ಯಾಟ್‌ ಸೌಂಡ್‌ ಔಟ್‌ಪುಟ್‌ ಹೊಂದಿದೆ.
ಸ್ಮಾರ್ಟ್‌ ಟಿವಿಯಲ್ಲಿ ಭಾರತೀಯ ಹಾಗೂ ಅಂತಾರಾಷ್ಟ್ರೀಯ ಸಿನಿಮಾಗಳು, ಧಾರಾವಾಹಿಗಳು ಹಾಗೂ ವೀಡಿಯೋಗಳನ್ನು ವೀಕ್ಷಿಸಲು ಅನುವಾಗುವಂತೆ ಹಲವು ಅಪ್ಲಿಕೇಶನ್‌ಗಳು ಲಭ್ಯವಿವೆ. ಅಲ್ಲದೆ ಉಚಿತವಾಗಿ ನೆಟ್‌ಫ್ಲಿಕ್ಸ್‌, ಯೂಟ್ಯೂಬ್‌ ಸೇರಿ ಬೇಕಾದ ಅಪ್ಲಿಕೇಶನ್‌ಗಳನ್ನು ಡೌನ್‌ಲೋಡ್‌ ಮಾಡಿಕೊಳ್ಳಬಹುದು.
* ಕೃಷ್ಣ ಭಟ್‌