ದೇಶದಲ್ಲಿದ್ದಾರೆ ಕೋಟ್ಯಧಿಪತಿ ಮುಖ್ಯಮಂತ್ರಿಗಳು –ಯಾರು ಫಸ್ಟ್‌…ಯಾರು ಲಾಸ್ಟ್‌..?

ದೇಶದ 28 ರಾಜ್ಯಗಳು, 2 ಕೇಂದ್ರಾಡಳಿತ ಪ್ರದೇಶಗಳ ಮುಖ್ಯಮಂತ್ರಿಗಳ ಆಸ್ತಿ ವಿವರಗಳನ್ನು ಚುನಾವಣೆ ಅಫಿದವಿತ್‌ಗಳ ಆಧಾರದಲ್ಲಿ ಅಸೋಸಿಯೇಶನ್‌ ಫಾರ್‌ ಡೆಮಾಕ್ರಾಟಿಕ್‌ ರಿಫಾರ್ಮ್ (ಎಡಿಆರ್‌) ಬಹಿರಂಗಗೊಳಿಸಿದೆ. ಒಟ್ಟು 30 ಸಿಎಂಗಳ ಪೈಕಿ 29 ಮಂದಿ ಕೋಟ್ಯಧಿಪತಿಗಳು. ಈ ಕುರಿತ ವಿವರ ಇಲ್ಲಿದೆ.

ಜಗನ್‌ ಮೋಹನ್‌ ಫ‌ಸ್ಟ್‌; ದೀದಿ ಲಾಸ್ಟ್‌!
ದೇಶದ 30 ಮುಖ್ಯಮಂತ್ರಿಗಳ ಪೈಕಿ ಆಂಧ್ರಪ್ರದೇಶ ಸಿಎಂ ಜಗನ್‌ ಮೋಹನ್‌ ರೆಡ್ಡಿ ಅತ್ಯಂತ ಹೆಚ್ಚಿನ ಸಂಪತ್ತು ಹೊಂದಿದ್ದಾರೆ. ಇವರ ಒಟ್ಟು ಸಂಪತ್ತಿನ ಮೌಲ್ಯ 510 ಕೋಟಿ ರೂ. ಇನ್ನು, ಪಶ್ಚಿಮ ಬಂಗಾಲದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಕೇವಲ 15 ಲಕ್ಷ ರೂ. ಆಸ್ತಿ ಇರುವುದಾಗಿ ಅಫಿದವಿತ್‌ನಲ್ಲಿ ತಿಳಿಸಿದ್ದು, 30 ಸಿಎಂಗಳ ಪೈಕಿ ಅತ್ಯಂತ ಕಡಿಮೆ ಮೊತ್ತದ ಆಸ್ತಿ ಹೊಂದಿರುವ ಸಿಎಂ ಎಂದು ಗುರುತಿಸಲಾಗಿದೆ.

ಅಗ್ರ 15ರಲ್ಲಿ ಸಿಎಂ ಬಸವರಾಜ ಬೊಮ್ಮಾಯಿ
ಕರ್ನಾಟಕ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಅವರು ಕೋಟ್ಯಧಿಪತಿ ಸಿಎಂಗಳ ಪೈಕಿ 13ನೇ ಸ್ಥಾನದಲ್ಲಿದ್ದು, ಅವರ ಒಟ್ಟು ಆಸ್ತಿ 8 ಕೋಟಿ ರೂ.ಗಳೆಂದು ವರದಿ ತಿಳಿಸಿದೆ. ಬೊಮ್ಮಾಯಿ ಅವರ ಮುಂಚಿನ ಸ್ಥಾನ ಅಂದರೆ 12ನೇ ಸ್ಥಾನದಲ್ಲಿ ಗೋವಾ ಸಿಎಂ ಡಾ| ಪ್ರಮೋದ್‌ ಸಾವಂತ್‌ (9 ಕೋಟಿ ರೂ.), 14ನೇ ಸ್ಥಾನದಲ್ಲಿ ತಮಿಳುನಾಡು ಮುಖ್ಯಮಂತ್ರಿ ಎಂ.ಕೆ. ಸ್ಟಾಲಿನ್‌(8 ಕೋಟಿ ರೂ.) ಇದ್ದಾರೆ.

33.96ಕೋಟಿ ರೂ. – 29 ಸಿಎಂಗಳ ಸರಾಸರಿ ಆಸ್ತಿ ಮೌಲ್ಯ

13%- ಕೊಲೆ, ಅಪಹರಣ ಸೇರಿದ ಗಂಭೀರ ಆರೋಪ ಎದುರಿಸುತ್ತಿರುವ ಸಿಎಂಗಳು